Almatyda «Taza Qazaqstan» jalpy respýblıkalyq baǵdarlamasy aıasynda jyl saıynǵy «Jasyl aýla» aksıasy aıaqtaldy, dep habarlaıdy aqshamnews.kz
Osy maýsymda qala turǵyndarynan 305 ótinim kelip túsip, onyń 133-i maquldanyp, 1156 kóshet berildi. Ásirese, Áýezov, Bostandyq jáne Alataý aýdandarynyń turǵyndary aksıada belsendilik tanytty.
Kóshetter «Eko Almaty» bazasynda jáne ár aýdannyń komúnıtı ortalyǵynda tegin taratylady. Turǵyndardyń aıtýynsha, mundaı bastamalar jasyl ári jaıly aýla qurýda mańyzdy.
«Biz bul aksıaǵa ekinshi jyl qatarynan qatysyp otyrmyz. Aýlamyzdy odan ári kógaldandyrǵymyz keledi. Men on bes kóshet alýdy josparlap otyrmyn, aǵash túrlerin ózimiz tańdaımyz», - dedi aksıaǵa qatysýshy İlıas Mamytov.
Aksıa aıasynda turǵyndar qaıyń, shaǵan, alma, sánaǵash, shegirshin jáne butalardyń kóshetin aldy. Barlyq kóshet jańa erejelerge saı: bıiktigi keminde 2,5 m, dińgeginiń dıametri 1,3 m bıiktikte 3 sm-den kem emes.
Sońǵy jyldary «Jasyl aýla» aksıasy aıasynda 20 myńnan astam kóshet otyrǵyzyldy, bul qalany jasyl ári ómir súrýge qolaıly etedi.