Eýropalyq Investısıalyq Bank (EIB Global) Qazaqstan Damý Bankine 200 mln eýro kóleminde nesıe beredi. Bul qarjy kólik ınfraqurylymyn damytýǵa, Transkaspıı kólik dálizin iske asyrýǵa jáne jasyl energetıkaǵa kóshýge baǵyttalady, dep habarlaıdy aqshamnews.kz
Jobanyń aıasynda 5 000 shaqyrym jol qaıta jańartylady, bul óz kezeginde eldiń kólik júıesin jetildirip, halyqaralyq saýda men tranzıttik tasymaldardy tıimdi etýge múmkindik beredi. Sonymen qatar, jańartylatyn energıa kózderine ınvestısıalar salynyp, Qazaqstannyń energıa sektoryn turaqty ári ekologıalyq taza etý kózdeledi. Joba aıasynda CO₂ shyǵaryndylaryn azaıtý arqyly ekologıalyq jaǵdaıdy jaqsartýǵa da úles qosylady.
Bul qadam Qazaqstannyń ınfraqurylymyn modernızasıalaýǵa, ekonomıkalyq damý men turaqtylyqty qamtamasyz etýge baǵyttalǵan mańyzdy qadam bolyp tabylady. Jobanyń iske asyrylýy kólik jáne energetıka sektorlarynda jańa múmkindikter ashyp, halyqaralyq deńgeıde eldiń básekege qabilettiligin arttyrýǵa kómektesedi.