Shaıbaly hokeıden ÁCH: Qazaqstan quramasy búgin Kanadamen kezdesedi
Shaıbaly hokeıden 2023 jylǵy álem chempıonatynyń elıtalyq dıvızıonynda búgin, 17 mamyrda, Qazaqstan quramasy Kanadamen kezdesedi, dep habarlaıdy Almaty-akshamy.kz QazAqparatqa silteme jasap.
Atalǵan oıyn elorda ýaqytymen 23:20-da bastalyp, Qazsport telearnasynan tikeleı efırde kórsetiledi.
V tobynda synǵa túsip jatqan qazaqstandyq hokeıshiler buǵan deıin býllıtten Norvegıany 4:3 esebimen jeńdi.
Odan keıin Chehıadan 1:5, Shveısarıadan 0:5 esebimen jeńilip qaldy.
Al Kanada bıyl Latvıany 6:0, Slovenıany 5:2 esebimen tize búktirse, Slovakıadan býllıtten 2:1 esebimen basym tústi.
Eki qurama buǵan deıin tórt márte kezdesti. Barlyq oıynda Kanada quramasynyń mereıi ústem boldy.
Álemde Kanada eli shaıbaly hokeıdiń otany sanalady. Qazirge deıin qylqan japyraqty eldiń ókilderi 27 márte jeńis tuǵyryna kóterilgen.
Dúbirli dodada 2021 jyly chempıon atansa, 2022 jyly kúmis medal ıegeri boldy.
Atalǵan qurama hokeıshileriniń birqatary óz eliniń birinshiligindegi klýbtarda oıyn kórsetedi. Sondaı-aq, AQSH, Germanıa, Reseı, Fınlándıa, Shveısarıa, Shvesıa klýbtarynda oınaıtyn hokeıshiler bar.
Sondaı-aq, búgin V tobynda Latvıa - Norvegıa sheberlik baıqasady.
Al A tobynda AQSH - Avstrıa, Fınlándıa - Fransıa oınaıdy.
Aıta ketsek, álem chempıonaty 12 mamyrdan Latvıanyń Rıga jáne Fınlándıanyń Tampere qalalarynda bastaldy.
Toptyq kezeń 12 jáne 23 mamyr aralyǵyna belgilengen. Fınal 28 mamyrda bolady.