Sırıada jer silkinisinen úsh aı ótken soń úıindi astynan tiri adam shyǵaryldy
Sırıadaǵy jer silkinisinen úsh aıǵa jýyq ýaqyttan keıin qutqarýshylar úıindi astynan tiri qalǵan er adamdy alyp shyqty, dep habarlaıdy Almaty-akshamy.kz Azattyq Ruhy-na silteme jasap.
Akhbar.fouri habarlaýynsha, 16 mamyrda jelide taratylǵan vıdeolardan bet-aýzyn saqal-murt basqan, qatty azyp, terisi súıegine jabysyp qalǵan er adamnyń qutqarylǵan sátin kórýge bolady.
Onyń munsha ýaqyt ishinde qalaı aman qalǵany belgisiz. Qutqarýshylar er adamdy dárigerlerge tapsyrdy. Qazir aýrýhanada emdelip jatyr.
Aıta keteıik, Sırıada 6 aqpanda kúshti jer silkinisi boldy. Birneshe kún boıy tiri qalǵandardy izdeý-qutqarý jumystary júrgizildi. Jer silkinisinen soń segiz kún ótkennen keıin jergilikti bılik 1500-ge jýyq turǵynnyń qaza tapqanyn habarlady.
Jer silkinisiniń oshaǵy kórshiles Túrkıanyń Kahramanmarash provınsıasynda bolǵan. Munda prezıdent Rejep Taıyp Erdoǵan aıtqandaı, 49 myńnan astam adam apattyń qurbany boldy. Magnıtýdasy 7,7 jáne 7,6 bolatyn dúmpýler eki elde toǵyz saǵattyq aralyqpen boldy. Onyń áseri Lıvan, Lıvıa, Grýzıa, Armenıa, Izraıl jáne Kıprde de sezildi.
Ankara jer silkinisin «ǵasyr apaty» dep atady.