Qazaqstan Respýblıkasy Prezıdentiniń janyndaǵy Ortalyq komýnıkasıalar qyzmetiniń alańynda ótken brıfıń barysynda QR Ónerkásip jáne qurylys vıse-mınıstri Tımýr Qaraǵoıshın Qazaqstan jobalaýshylarynyń respýblıkalyq odaǵynyń ujymdyq úndeýine jaýap berdi, dep habarlaıdy Almaty-akshamy.kz QR Qurylys jáne ónerkásip mınıstrligine silteme jasap.
Vıse-mınıstr atap ótkendeı, keıbir depýtattardyń qurylys kodeksiniń jobasyna qatysty synyna qaramastan, jobalaýshylar Parlament Májilisine kirgen redaksıany qoldaıdy.
Kásibı qoǵamdastyq óz úndeýinde 3 baǵyttaǵy usynystaryn joldady:
Birinshiden, josparlaý sátinen bastap paıdalanýǵa bergenge deıin jobany keshendi iske asyrý múmkindigimen obektini bir bilikti oryndaýshyǵa bere otyryp, qoldanystaǵy tetikti qaıta qaraý.
Ekishiden, tehnıkalyq-ekonomıkalyq negizdeme tártibin eki satyly jobalaýdyń «joba» satysyna engizý arqyly jobalaý prosesin jeńildetý.
Úshinshiden, tehnıkalyq jáne avtorlyq qadaǵalaýdyń ınjınırıńtik qyzmetterin biriktirip, jobalaý uıymynyń basshylyǵyna berý.
«Ýákiletti organ bul usynystardy qoldaıdy. Sonymen qatar, birinshi jáne ekinshi usynys boıynsha jumys belsendi júrgizilýde. Biz bul usynystardy túbegeıli, ýaqytyly jáne negizdelgen dep sanaımyz», - dedi Tımýr Qaraǵoıshın.
Jańa tásilderdi atap ótse, Qurylys isteri jónindegi komıtet «tehnıkalyq tapsyrys berýshi» qyzmetin engizý boıynsha túzetýler ázirledi, ol josparlaý sátinen bastap obektini paıdalanýǵa bergenge deıingi jobany iske asyrýdyń barlyq kezeńderin qamtıtyn bolady. Tehnıkalyq Tapsyrys berýshiniń negizi jobany ázirleýshige jáne ınjenerlik quramǵa, onyń ishinde jobany basqarýshyǵa jaýapkershilikke basa nazar aýdara otyryp, jobalyq uıym bolyp tabylady. Bul tásil qurylys prosesin ońtaılandyrady jáne keshendi damýdy júıeli túrde júzege asyrýǵa múmkindik beredi.
Budan basqa, jobalaý prosesin ońtaılandyrý sheńberinde qurylys obektileri boıynsha tehnıkalyq-ekonomıkalyq negizdemeni eki satyly jobalaýdyń «joba» satysyna ıntegrasıalaı otyryp, jobalaý aldyndaǵy qujattama quramynan alyp tastaýdy kózdeıtin túzetýler ázirlendi.
Bul qurylys-montajdaý jumystary bastalǵanǵa deıingi merzimderdi shamamen 1,5 jylǵa qysqartýǵa, prosesterdiń ashyqtyǵyn qamtamasyz etýge, sondaı-aq ınvestısıalyq klımatty jaqsartý boıynsha tıimdilikti arttyrýǵa múmkindik beredi.
Sonymen qatar, vıse-mınıstr jobalaýshylardyń jobalaý uıymynyń basqarýymen avtorlyq jáne tehnıkalyq qadaǵalaýdyń ınjınırıńtik qyzmetterin biriktirý bastamasyn tolyq qoldaıdy.
«Biz bul bastamany búgingi kúni bul qyzmetter bir-birin qaıtalap qana qoımaı, jaýapkershilikti de buldyratatyndyǵyna, sondaı-aq sybaılas jemqorlyq ortasyn damytýdyń katalızatory bolyp tabylatyndyǵyna baılanysty qoldaımyz», - dep atap ótti Tımýr Qaraǵoıshın.
Osy ınjınırıńtik qyzmetterdi jobalaý uıymynyń basqarýymen biriktirý jobany qurylys kezeńinde ázirlegen ınjenerlerdiń sapaly súıemeldeýin qamtamasyz etedi, sondaı-aq jobany durys túsindirmeý jaǵdaılaryn boldyrmaıdy. Budan basqa, tehnıkalyq qadaǵalaýdy júzege asyratyn merdigerdi tańdaý boıynsha konkýrs ótkizý merzimderi qysqarady, bul qyzmet joba avtorynyń aıryqsha quqyǵy negizinde satyp alynatyn bolady.