2023 jyly otandyq jıhaz ónerkásibine ınvestısıa kólemi 17,1 mlrd teńgege jetti. Bul 2022 jylmen salystyrǵanda tórt esege joǵary kórsetkish (4,4 mlrd teńge).
Jıhaz ónerkásibine ınvestısıa tartý boıynsha Túrkistan oblysy kósh bastap tur. Ótken jyly osy óńirdiń jıhaz ónerkásibine 13,2 mlrd teńge ınvestısıa salynyp, respýblıkalyq deńgeıdiń 76,8 paıyzyn qurady, dep habarlaıdy Almaty-akshamy.kz Ónerkásip jáne qurylys mınıstrligine silteme jasap.
Bul týraly «QazIndustry» AQ Jeńil ónerkásip, aǵash óńdeý, jıhaz ónerkásibin jáne qurylys materıaldary óndirisin damytý dıreksıasy habarlady.
Ulttyq statısıka búrosynyń málimetinshe, 2022 jyly Túrkistan oblysynda osy salaǵa 1,4 mlrd teńge ınvestısıalanǵan. Ótken jylǵy kórsetkishpen salystyrǵanda, bir jylda saladaǵy ınvestısıa kólemi toǵyz eseden astam (9,1) ósim kórsetip otyr. Mundaı joǵary kórsetkishter keńseler men saýda kásiporyndary úshin jıhaz óndirisine (+5,8 ese - 6,3 mlrd teńgege deıin) jáne basqa da jıhazdarǵa (+18,9 ese - 6,9 mlrd teńgege deıin) ınvestısıalar kólemin arttyrýdyń arqasynda múmkin boldy.