Almatydaǵy Abaı atyndaǵy akademıalyq Opera jáne balet teatrynda qalamgerler qaýymy bas qosqan Qazaqstan Jazýshylar odaǵynyń HVİ quryltaıy ótip jatyr.
Oǵan elimizdiń ár óńirinen kelgen aqyn-jazýshylar, QR Aqparat jáne qoǵamdyq damý mınıstri Darhan Qydyráli, Almaty qalasynyń ákiminiń orynbasary A.Qyryqbaev qatysýda, dep habarlaıdy Almaty-akshamy.kz.
Qazaqstan Jazýshylar odaǵynyń jarǵysyna sáıkes, 5 jylda bir ret esep berý-saılaý jınalysy bolyp turady. Soǵan oraı, Qazaqstan jazýshylary men qalamgerleri úlken jıynda bas qosty. Búgin ótken jyldarda atqarylǵan jumystarǵa esep berilip, aldaǵy 5 jylǵa baǵyt-baǵdar belgilenedi.
«Búgingi jıynnyń aldynda óte kóp daý-damaılar boldy. Biraq qazirgi Qazaqstannyń ótpeli jaǵdaıynda bizdiń elimizge turaqtylyq kerek. Ol turaqtylyq zıaly qaýymnan, Qazaqstan Jazýshylar odaǵy sıaqty úlken birlestikten bastalady. Sondyqtan búgingi jıynda ózderiniń sheshimderin elimizdiń erteńi úshin baıandy bolatyndaı qabyldaıdy dep senemin», – dedi jazýshy-pýblısıst Marat Toqashbaev.
Qazaqstan Jazýshylar Odaǵy basqarmasynyń Tóraǵasy Ulyqbek Esdáýlet tóraǵalyq etken jyldardaǵy atqarǵan isterine toqtalyp ótti. Sondaı-aq, ómirden ótken aqyn-jazýshylardy eske alyp, olardyń rýhtaryna taǵzym etildi.
Sóz sońynda Ulyqbek Esdáýlet tóraǵalyqtan bas tartatynyn atap ótti.