Aýdany 167 gektar, kadastrlyq quny 10 mlrd teńge.
Bul depýtattar saýalyna Bas prokýror Berik Asylovtyń bergen jaýaby, dep habarlaıdy Almaty-akshamy.kz
«Búgingi tańda Almaty qalasynyń Jer resýrstaryn basqarý departamenti prokýratýra organdarynyń jumysynyń nátıjesinde aýdany 167 gektar (kadastrlyq quny 10 mlrd teńge) 173 ýchaskeni tárkiledi. Den qoıý is-sharalary boıynsha ýákiletti organdardyń aldynda aýdany 6,05 gektar jerdi qaıtarý týraly sotqa 40 talap berýge bastamashylyq jasaldy. 750 ýchaske (1,1 myń gektar) boıynsha tekserý is-sharalary jalǵasýda», - dedi Bas prokýror.
Onyń aıtýynsha, prokýratýra organdarynyń astananyń, respýblıkalyq mańyzy bar qalalardyń jáne oblys ortalyqtarynyń núktelik qurylysyna qatysty tekserýler qorytyndysy boıynsha Úkimetke birqatar usynys bergen.
«Bas prokýratýranyń tekserý qorytyndysy boıynsha Úkimetke qala qurylysyn baqylaý júıesin kúsheıtý, atap aıtqanda, qurylys prosesteriniń ashyqtyǵyn belgileý maqsatynda jer ýchaskesin alǵan sátten bastap obektini paıdalanýǵa bergenge deıingi barlyq rásimdi baqylaý jáne kelisý boıynsha «biryńǵaı tereze» ázirleý; sanıtarlyq-epıdemıologıalyq baqylaý jáne tótenshe jaǵdaılar organdaryna qala qurylysy qujattaryn kelisý quzyretin berý; qala qurylysy kodeksiniń jobasynda turǵyn úılerdi salý jáne paıdalaný, onyń ishinde kógaldandyrý úshin jetkilikti jer ýchaskesi bolmaǵan kezde olarǵa ruqsat berý qujattamasyn berýge tikeleı tyıym salýdy kózdeý jóninde usynystarymen zańdylyqty buzýshylyqtardy joıý týraly usyný engizildi. Jumys qorytyndysy boıynsha Úkimet buzýshylyqtardy joıý boıynsha jol kartasyn ázirledi. Bas prokýratýranyń usynystary qoldaý tapty», - dedi Berik Asylov.