Kýveıt qalasynda semserlesýden jasóspirimder jáne kadetter arasyndaǵy Azıa chempıonaty jalǵasýda. Qazaqstan quramasy komandalyq saıysta úsh medalǵa qol jetkizdi.
Qazaqstan erler quramasy sablámen semserlesýden kúmis júldege ıe boldy. Ulttyq qurama atynan Nurmuhammed Jaılybaı, Qaınazar Nurqatuly, Sultan Stanbek jáne Sultan Asylbekov óner kórsetti, dep habarlaıdy aqshamnews.kz UOK-ke silteme jasap.
Al Qazaqstan áıelder quramasy rapıramen semserlesýden qola júldeni enshiledi. El namysyn Sofıa Aktaeva, Alına Iskanderova, Polına Dolgopolova jáne Alena Gnoeva qorǵady.
Sondaı-aq taǵy bir qola medaldi qazaqstandyq shpagashylar ıelendi. Georgıı Tınnıkov, Bogdan Lýkın, Ǵabıden Mustafın jáne Kırıll Prohodov jeńis tuǵyrynan kórindi.