Otandyq vaksına óndirisi jandanbaq
Qazaqstan janýarlar vaksınasyn ázirleýdi jolǵa qoıyp, ımporttan tolyq arylýdy josparlap otyr, dep habarlaıdy Almaty-akshamy.kz QazAqparat-qa silteme jasap.
«Biz biryńǵaı operator quryp, otandyq óndirýshilerge vaksına jasaý úshin memlekettik tapsyrys bergimiz keledi. Eger otandyq óndirýshiler memlekettik tapsyrys aıasynda qajetti kólemde vaksına ázirleı alsa, olar Ýkraına, Reseı jáne Belarýs elinen keletin dári-dármekti almastyrady. Bolashaqta ımportqa táýeldi bolmas úshin «QazBioPharm» holdıńti qyzmeti aıasynda otandyq vaksına óndirisin jolǵa qoıǵymyz keledi. «QazBioPharm» halyqaralyq standarttarǵa sáıkes vaksına shyǵarady», - dedi QR Aýyl sharýashylyǵy mınıstriniń orynbasary Rústem Qurmanov Ortalyq komýnıkasıalar qyzmeti alańynda ótken baspasóz máslıhatynda.
Vıse-mınıstrdiń málimdeýinshe, memlekettik tapsyrys boıynsha janýarlarǵa arnalǵan vaksınanyń 70 paıyzy otandyq ónim, qalǵan 30 paıyzy Belarýs jáne Reseıden satyp alynady.
«Eýropadan jetkiziletin vaksınalarǵa qatysty qymbattaýshylyq bar. Onyń sebebi dollar, eýro baǵamynyń ósýine baılanysty bolýy múmkin. Bizde janýarlarǵa arnalǵan vaksına ákeletin kóptegen kásiporyn bar. Biraq olar ákeletin vaksına kólemi azaıdy. Azaıýdyń sebebi ımportqa tyıym salýda emes, baǵamen baılanysty bolyp otyr», - deıdi ol.
Buǵan deıin habarlaǵanymyzdaı elimizde veterınarıa salasyn reformalaýdyń jol kartasy bekitildi.