Shaıbaly hokeıden Slovakıanyń Bratıslava qalasynda ótip jatqan 2026 jylǵy Olımpıadaǵa irikteý týrnırinde Qazaqstan quramasy ekinshi jeńisine qol jetkizdi, dep habarlaıdy aqshamnews.kz
D tobyndaǵy irikteý týrnıri aıasyndaǵy ekinshi machty Qazaqstan quramasy Avstrıaǵa qarsy ótkizdi.
Óte tartysty oıynnyń taǵdyry sońǵy mınýttarda sheshildi.
Aldymen Qazaqstan quramasynyń oıynshysy Dmıtrıı Breýs oıynnyń 2-mınýtynda esep ashyp, komandany alǵa shyǵardy.
Al 43-mınýtta avstrıalyq hokeıshi Rafael Herbýrger esepti teńestirdi.
Araǵa on mınýt salyp Tamırlan Gaıtamırov Qazaqstan quramasyn alǵa shyǵardy. Esep - 2:1.
Qazaqstan quramasy mach sońyna deıin osy basymdyqty ustap, toptaǵy ekinshi machta jeńiske jetti.
Qysqy Olımpıada joldamasyn topta jeńimpaz atanǵan komanda ǵana ıelenedi. Qazaqstandyqtar sheshýshi machta Slovakıaǵa qarsy oınaıdy.