Sondaı-aq tirek-qımyl apparaty buzylǵan balalardy robottandyrylǵan quraldarmen qamtamasyz etý baǵdarlamasy boıynsha 13 ekzoskelet daıyndalyp, balalarǵa úıinde paıdalanýǵa berildi.


Jaqynda tehnıkalyq ońaltý quraldarynyń kómegimen úıde balalardy ońaltý jobasy iske qosyldy.



«Ońaltý ortalyqtaryn qansha qursaq ta, balalardyń osy ortalyqtarda bolý ýaqyty shekteýli bolatyny túsinikti. Sol sebepti biz seriktesterimizben birge ońaltý dınamıkasyn joǵaltpaý úshin arnaıy jobany júzege asyrýdy sheshtik. Onyń álemde bizge belgili analogtary joq. Mundaı balalardyń otbasylaryna úıge tehnıkalyq ońaltý quraldary beriletin bolady. Basynan bastap belgili bir qarajat beriledi, progreske baılanysty ońaltý ýaqytyn uzartýǵa qol jetkizetin adam sany edáýir artady», – dep túsindirdi spıker.



Jańa jobany synaqtan ótkizý úshin 4 pılottyq óńir anyqtaldy: Abaı, Qyzylorda, Pavlodar oblystary jáne Shymkent qalasy. Jobanyń somasy - 4,5 mlrd teńge. Ol sátti júzege assa, mundaı bastama elimizdiń basqa óńirlerinde de engiziletin bolady.


Esterińizge sala keteıik, buǵan deıin «Qazaqstan halqyna» QQ qaıyrymdylyq baǵdarlamalary men jobalaryn iske asyrý týraly» esebin jarıalaǵan bolatyn.