«Qazaqstan halqyna» qory

Avtor almaty-akshamy.kz
05:43, 04 mamyr 2023

qarmaqshy-tany.kz

Prezıdent tapsyrmasy

memlekettik qoldaý sharalarynan tys qazaqstandyqtardyń naqty máselelerin sheshýge baǵyttalǵan

Memleket basshysy 2022 jyly densaýlyq saqtaý, bilim berý jáne áleýmettik qoldaý salalaryndaǵy máselelerdi sheshý úshin «Qazaqstan halqyna» qoǵamdyq áleýmettik qoryn qurýdy tapsyrǵan bolatyn. Nátıjesinde múddeli taraptardyń qajettilikterin qanaǵattandyrýǵa arnalǵan jáne Qazaqstan halqyna kómek kórsetýdiń tıimdi quralyna aınalǵan Qor tujyrymdamasy jaryq kórdi.

Tujyrymdama aıasynda Qor qyzmetiniń negizgi baǵyttary men Qorǵa túsetin qarajat esebinen basym qoldaý kórsetiletin halyqtyń negizgi sanattary anyqtaldy.Sondaı sanattardyń biri – elimizde tótenshe jaǵdaılar jarıalanǵanda jáne tótenshe jaǵdaı rejımin engizý kezinde zardap shekken halqyna kómek kórsetý. Qordyń ınternet-resýrsynda qańtar oqıǵalarynda zardap shekkenderge kómek kórsetý baǵytyndaǵy qaıyrymdylyq kómek alýshylardyń maqsattyq tobynyń tizimi jarıalandy.

Olar:

1) qaza tapqan áskerı qyzmetshilerdiń, İshki ister men ulttyq qaýipsizdik organdarynyń qyzmetkerleriniń otbasylary;

2) aýyr jaraqattar alǵan áskerı qyzmetshiler, İshki ister men ulttyq qaýipsizdik organdarynyń qyzmetkerleri;

3) qańtar oqıǵalarynyń kezdeısoq qurbandary bolǵan qaza tapqan azamattyq tulǵalardyń otbasylary;

4) qańtar oqıǵalary kezinde jaraqattar alǵan balalardyń otbasylary;

5) qańtar oqıǵalary kezinde oqtan bolǵan jaraqat alǵan aýyr jaralanǵan kámeletke tolǵan azamattar.

6) qaıǵyly qańtar oqıǵalary kezinde qaza tapqan áskerı qyzmetshilerdiń, İshki ister jáne Ulttyq qaýipsizdik organdary qyzmetkerleriniń, sondaı-aq Qazaqstan Respýblıkasynyń qaza tapqan azamattarynyń otbasylaryndaǵy kámeletke tolmaǵan balalar.

Baǵdarlama búdjeti

Baǵdarlama búdjetinde qaza tapqan áskerı qyzmetshilerdiń, İshki ister men ulttyq qaýipsizdik organdary qyzmetkerleriniń otbasylaryna – 7 mln teńgeden qajy tóleý qarastyrylǵan. Aýyr jaraqattar alǵan áskerı qyzmetshilerge, İshki ister men ulttyq qaýipsizdik organdary qyzmetkerlerine – 3 mln teńgeden bólinedi. Qańtar oqıǵalarynyń kezdeısoq qurbandary bolǵan qaza tapqan azamattyq tulǵalardyń otbasylaryna – 7 mln teńgeden, al dúrbeleńde jaraqattar alǵan balalardyń otbasylaryna – 3 mln teńgeden, oqtan jaraqat alǵan aýyr jaralanǵan kámeletke tolǵan azamattarǵa – 3 mln teńgeden tólenedi.

Qaıǵyly qańtar oqıǵalarynda zardap shekkenderge qaıyrymdylyq kómek kórsetý merzimimen jáne kezeńimen shektelmegen. Qor Qazaqstan Respýblıkasynyń Bas prokýratýrasynyń tıisti rastaıtyn aqparatty usyný faktisi boıynsha qaıyrymdylyq kómek kórsetedi.

Jobanyń aǵymdaǵy mártebesi

2023 jylǵy 19 sáýirdegi jaǵdaı boıynsha Qor qaıǵyly qańtar oqıǵalary barysynda zardap shekken 653 adamǵa jalpy somasy 2 mlrd 465 mln teńgege qaıyrymdylyq kómek kórsetken. Atap aıtqanda:

qaza tapqan 19 áskerı qyzmetshiniń, İshki ister jáne Ulttyq qaýipsizdik organdarynyń qyzmetkerleriniń otbasylaryna – 133 mln teńge (7 mln teńgeden);

Aýyr jaraqat alǵan 111 áskerı qyzmetshige, İshki ister jáne Ulttyq qaýipsizdik organdarynyń qyzmetkerlerine – 333 mln teńge (3 mln teńgeden);

Qaza tapqan áskerı qyzmetshilerdiń, İshki ister organdary men ulttyq qaýipsizdik organdary qyzmetkerleriniń otbasylaryndaǵy 23 kámeletke tolmaǵan balaǵa – 46 mln teńge (árbir kámeletke tolmaǵan balaǵa 2 mln teńgeden);

qańtar oqıǵalarynyń kezdeısoq qurbany bolǵan 146 azamattyń otbasylaryna – 1 mlrd 22 mln teńge (7 mln teńgeden);

Kezdeısoq qurban bolǵan Qazaqstan Respýblıkasynyń qaza tapqan azamattarynyń otbasylaryndaǵy 131 kámeletke tolmaǵan balaǵa – 262 mln teńge (árbir kámeletke tolmaǵan balaǵa 2 mln teńgeden);

Atys qarýynan zardap shekken jáne jábirlenýshi dep tanylǵan 210 aýyr jaralanǵan kámeletke tolǵan azamattarǵa – 630 mln teńge (3 mln teńgeden);

qańtar oqıǵasy kezinde jaraqat alǵan 13 balanyń otbasylaryna – 39 mln teńge (3 mln teńgeden) qaıyrymdylyq kómek kórsetilgen.

Qordyń qoldaýymen 7 aılyq náresteniń baýyry almastyryldy

«Qazaqstan halqyna» qory memlekettik qoldaý sharalarynan tys ómirdiń negizgi salalaryndaǵy qazaqstandyqtardyń naqty máselelerin sheshýge baǵyttalǵan.

Máselen, jaqynda Qordyń baspasóz qyzmeti Astanada aýyr háldegi 7 aılyq balaǵa baýyr transplantasıasy júrgizilgenin habarlady.

Operasıa «Qazaqstan halqyna» qoǵamdyq qorynyń qoldaýymen Japonıanyń ulttyq densaýlyq jáne damý ortalyǵynyń (Tokıo q.) organdardy transplantasıalaý ortalyǵynyń dárigerlerimen birlesip «1 jasqa deıingi balalardyń baýyr transplantasıasy» taqyrybynda tálimgerlik sheberlik synyby sheńberinde júrgizilgen. Shaqyrtylǵan mamandar «University Medical Center» QQ qyzmetkerlerine baýyr transplantasıasyn júrgizýge muqtaj naýqastardy operasıa aldyndaǵy daıarlaý, anestezıologıalyq járdemaqy, jedel tehnıka jáne operasıadan keıingi basqarý taqyryptary boıynsha 3 kún boıy oqytý júrgizdi. Erte jastaǵy naýqastarǵa, ásirese, dene salmaǵy 10 kg-nan az balalarǵa baýyr transplantasıasy jetkilikti daǵdy men tájirıbeniń bolmaýyna baılanysty Qazaqstan Respýblıkasynda júrgizilmeıdi. Sondyqtan osyndaı oqytýlardyń júrgizilýi, daǵdylar men tehnologıalardy meńgerý derttiń asqyný sanyn azaıtyp, naýqastardyń ómir súrý sapasy men uzaqtyǵyn jaqsartady.

Nárestege týǵan ákesi donor bolǵan. Balaǵa aǵza aýystyrý úshin Japonıa men Nepaldan mamandar shaqyrylyp, qaıyrymdylyq kómek kórsetilgen. Operasıa «University Medical Center» korporatıvtik qorynyń bazasynda ótkizildi. Nátıjesinde operasıa sátti ótip, balanyń ózdiginen tynys alý múmkin boldy. Jaǵdaı turaqtanǵan soń bala men ákesi aýrýhanadan shyǵaryldy. Qazirgi tańda olardyń jaǵdaıy jaqsy.

«Qazaqstan halqyna» qory qyzmetiniń negizgi maqsattary

Densaýlyq saqtaý, bilim berý, áleýmettik qoldaý, mádenıet jáne sport salalarynda qaıyrymdylyq kómek kórsetý;

Azamattardyń rýhanı, tanymdyq jáne ózge de gýmanısik qajettilikterin qalyptastyrý jáne qanaǵattandyrý úshin qoǵamdyq densaýlyq, bilim, ǵylym, mádenıet, óner, aǵartý salalaryndaǵy qaıyrymdylyq jobalaryn iske asyrý;

Respýblıkada qaıyrymdylyq mádenıetin damytý, qoǵamnyń, bıznestiń jáne memlekettiń qaıyrymdylyqqa senimin nyǵaıtý, qaıyrymdylyqtyń barlyq sýbektileriniń ymyrasy;

Tótenshe jaǵdaılar kezinde jáne tótenshe jaǵdaı rejımin engizý kezinde Qazaqstan Respýblıkasynyń zardap shekken halqyna kómek kórsetý;

Qazaqstan Respýblıkasynyń aýmaqtyq tutastyǵy men qaýipsizdigin qorǵaý kezinde quqyq qorǵaý organdary, arnaýly organdar qyzmetkerleriniń, áskerı qyzmetshilerdiń, aýyr jaralanǵandardyń jáne qaza tapqan dep tanylǵandardyń otbasylaryn qoldaý;