Sońǵy kúnderi qorǵa taǵy 40,8 mlrd teńge túsken.
2022 jyldyń 16 qańtary men 28 qańtary aralyǵynda qor shottaryna barlyǵy 93,3 mlrd teńge aýdaryldy, dep habarlaıdy Almaty-akshamy.kz QazAqparatqa silteme jasap.
Boljamdyq esepterge sáıkes, qor jylyna keminde 100 mlrd teńge kóleminde qarajat jınaqtaıdy. Aldyn ala esepteýler sheteldik jáne halyqaralyq kompanıalardan qarajat alýdy kózdemeıdi.
28 qańtarda «Qazaqstan halqyna» qory shottaryna qarajat aýdarǵandar:
- «ERG KÓMEK» korporatıvti qory – 30 mlrd teńge;
- «Halyq» qaıyrymdylyq qory - 10 mlrd teńge;
- Sýleımenov Dıas Týleýtaevıch – 450 mln teńge;
- «Bank Sentr Kredıt» AQ - 200 mln teńge;
- «Kóliktik servıs ortalyǵy» AQ - 150 mln teńge.
Qor basshylyǵy alynǵan barlyq qarajattyń tolyq ashyqtyǵy men eseptiligi qamtamasyz etiletinin málimdeıdi.
Aqsha Qazaqstan halqynyń ıgiligine, densaýlyq saqtaý, áleýmettik sala, bilim, mádenıet jáne sport problemalaryn sheshýge baǵyttalady.
««Qazaqstan halqyna» qoǵamdyq qory Memleket Basshysy Qasym-Jomart Toqaevtyń densaýlyq saqtaý, bilim berý, áleýmettik sala, mádenıet jáne sport salalaryndaǵy naqty máselelerdi sheshý jónindegi bastamasyn qoldaǵan barlyq qazaqstandyqtarǵa, iri kásiporyndarǵa, eńbek ujymdaryna alǵys bildiredi», - delingen qordyń baspasóz qyzmeti taratqan habarlamada.