Qordyń maqsattary men atqaratyn isteri qandaı bolmaq?
Jýyrda Qazaqstan Respýblıkasynyń Prezıdenti Qasym-Jomart Toqaevtyń bastamasymen «Qazaqstan halqyna» qoǵamdyq qory quryldy, dep habarlaıdy Almaty-akshamy.kz tilshisi
Sonymen qatar, Memleket basshysy «Óte aýqatty baı adamdardyń halyqqa kómektesetin kezi keldi» degen bolatyn. Qurylǵannan beri jınalǵan qarjynyń kólemi 12 mlrd teńgeden asqan. Al qordyń jumysy, mısıasy týrasynda kópshilikke keńirek tanystyrýdy jón kórdik. Ashyq derekkózderde birqatar atqaratyn isteri kórsetilgen.
Qordyń maqsaty:
- Densaýlyq saqtaý, bilim berý jáne áleýmettik qoldaý, mádenıet jáne sport salalarynda memlekettik qoldaý sharalarynan tys qosymsha qamtamasyz etý máseleleri boıynsha Qazaqstan halqyna qaıyrymdylyq kómek kórsetý;
- Tótenshe jaǵdaılar kezinde jáne tótenshe jaǵdaı rejımi engizilgende zardap shekken halyqqa kómek kórsetý;
- Halyqtyń áleýmettik osal toptarynan muqtaj balalar men balalar úshin sporttyq ınfraqurylymnyń damýyna jáne onyń qoljetimdiligin arttyrýǵa járdemdesý;
- Qazaqstannyń aýmaqtyq tutastyǵy men qaýipsizdigin qorǵaý kezinde qaza tapqan quqyq qorǵaý organdary, arnaıy organdar qyzmetkerleriniń, áskerı qyzmetshilerdiń otbasylaryn qoldaý;
- Qor qyzmetiniń ózge de basym baǵyttary boıynsha qaıyrymdylyq kómek kórsetý.