Lańkesterdiń oǵynan alǵan jaraqatynan 35 jastaǵy áıel kóz jumdy.
Baqytjan Saǵyntaev shyn júrekten kóńil aıtyp, kóp balaly otbasyna turǵyn úı bólý máselesin baqylaýǵa aldy, dep habarlaıdy Almaty-akshamy.kz
5 qańtar kúni keshke Janar Ótegenova qaladaǵy keleńsiz jaǵdaıǵa qaramastan, kóshege shyǵýǵa májbúr bolǵan. Óıtkeni onyń jańa týǵan sábıine shuǵyl túrde dári-dármek kerek edi.
Janardyń jubaıy Nursultan Búrkitbaev 2014, 2017, 2019 jáne 2021 jyldary týylǵan tórt balasymen qaldy.
Erli-zaıyptylar balalarymen jalǵa alynǵan ýaqytsha baspanada turdy.
Búgin qala ákimi Baqytjan Saǵyntaev Nursultan Búrkitbaevpen kezdesip, onyń zaıybynyń qaıtys bolýyna baılanysty kóńil aıtty. Sondaı-aq, onyń turǵyn úı jaǵdaıyn jaqsartýǵa kómek kórsetý týraly ótinishin jeke baqylaýyna aldy.