Qazaqstandyq ǵalymdar emdik qasıeti bar sýsyn óndirý tehnologıasyn oılap tapty. Ol sút sarysýynan jasalady.
Elimizde dál qazirgi ýaqytta toqtaýsyz jumys istep turǵan 200-ge tarta sút zaýyty bar. Olardyń árqaısysy kúnine 7 tonnaǵa deıin qaldyq shyǵarady, dep habarlaıdy Almaty-akshamy.kz Qazaqtv.com saıtyna silteme jasap.
Endi ázirlengen tehnologıa qorshaǵan ortaǵa zıan keltirmeı, sút qaldyqtaryn qaıta paıdalanýǵa múmkindik beredi. Onyń ústine adam aǵzasyna da shıpasy mol. Atalǵan noýhaýmen elimizidiń mıkrobıologıa jáne vırýsologıa ǵylymı-óndiristik ortalyǵynyń ǵalymdary 6 jylǵa jýyq ýaqyt aınalysqan.
«Myna shartty patogendi organızmdi óltiretin mıkrobtardy taptyq. Ony óltirdik. Endi sol qalǵan nársesiniń ishinde adamǵa organızmge paıdaly mıkroorganızmdi qostyq. Sóıttik te, ony ashytyp, adam aǵzasy úshin paıdaly naǵyzdyń sýsyn jasap shyǵardyq. Onyń tehnologıasy bizdiki. Ashytqysy da bizdiki. Tek olardan qubyrmen aǵyp keledi de, úlken ydysqa salady 2, 3, 5 tonna. Sonymen biz ashytý júrgizemiz. Mıkrobıologıalyq prosesterdiń bárin júrgizip, sodan keıin ydystarǵa bólip quıyp, qalaǵa satyp jatyr», - dedi bıologıa ǵylymdarynyń doktory, profesor, akademık Amangeldi Sadanov.
Taza bıologıalyq ónimdi turaqty túrde iship turǵan jaǵdaıda asqazan, ishek joldary aýrýlarynyń aldyn alady deıdi mamandar. Sarysýdan jasalǵan sýsynnyń taǵy 4 túrin óndiriske qoıý qolǵa alynyp jatyr.