Áıteýir bir ótinim beretinimizge senimdimin - Asqat Oralov.
Mádenıet jáne sport mınıstri Asqat Oralov Úkimet kýlýarynda Ózbekstan men Qazaqstannyń fýtboldan álem chempıonatyn «ótkizetini» týraly aqparatqa pikir bildirdi, dep habarlaıdy Almaty-akshamy.kz QazAqparatqa silteme jasap.
«Búginde fýtboldan ulttyq quramanyń nátıjeleri kóńil qýantady. Qatarynan úsh jeńiske jettik, talaıdan beri mundaı bolǵan joq. Qyrkúıek aıynda qarymta kezdesýler bolady. Men qazaqstandyqtar fýtbolshylarymyzdy qoldaýǵa keledi, sol arqyly óskeleń býynǵa úlgi bolady dep qatty úmittenemin», - dedi mınıstr.
Onyń sózinshe, dál qazir Qazaqstannyń fýtboldan álem chempıonatyn ótkizýi týraly másele kún tártibinde joq.
«Áıteýir bir ótinim beretinimizge senimdimin. Biraq qazir kún tártibinde turǵan joq», - dedi Asqat Oralov.