Qazaqstan Jazýshylar odaǵynyń Basqarma Tóraǵasy Mereke Qulkenov «Barbang» kúrdter qaýymdastyǵynyń Basqarma múshesi, «Qurmet» ordeniniń ıegeri, «Knáz Ibragımovıch Mırzoev qorynyń» tóraǵasy, «Nýbar» ádebı-kórkem jýrnalynyń redaksıa alqasynyń múshesi, qoǵam qaıratkeri Rafık Iakýbovıch Mırzoevty qabyldady, dep habarlaıdy almaty-akshamy.kz
«Qazaq ádebıeti qalamgerleri men «Barbang» Qazaqstan kúrdteriniń qaýymdastyǵynyń qarym-qatynasyn nyǵaıtý» búgingi kezdesýdiń negizgi máselesi boldy
Buǵan deıin, Qazaqstan Respýblıkasy Prezıdent Ákimshiligi basshysynyń orynbasary Aıda Balaeva assambleıa otyrysynda kúrd ańyz-áńgimelerin, ertegilerin, salt-dástúrlerin qazaq tiline aýdaryp, ultymyzǵa tanystyrý máselesin kótergen bolatyn.
Osyǵan oraı, kúrd mádenıeti men ádebıetin, qazaq ádebıetine tanystyryp qana qoımaı, berik baılanys ornatý máselesi qarastyryldy. Sonymen qatar, «Barbang» Qazaqstan kúrdteriniń qaýymdastyǵy ulttyq ádebıetimizge tek rýhanı emes, materıaldyq turǵydan da kómektesýdi kózdeıtindigin jetkizdi.
«Bul Qazaqstan Jazýshylar odaǵynyń ózge de qoǵamdyq uıymdarmen tyǵyz qarym-qatynas ornatýdyń bastamasy bolmaq» - dedi M.Qulkenov.
