Tatarstanda ótken forýmǵa 45 eldiń kınematografısteri ótinim bergen.
Rejıser Farhat Sháripovtiń «18 kılogers» fılmi HVII Qazan Halyqaralyq musylman kınofestıvaliniń bas júldesine ıe boldy. Kartına úzdik tolyqmetrajdy oıyn fılmi atandy, - dep habarlaıdy Almaty-akshamy.kz Tengrinews.kz-ke silteme jasap.
Sondaı-aq, kartına operatorlyq jumysy úshin marapatqa ıe boldy (Aleksandr Plotnıkov).
Eske salaıyq, «18 kılogers» fılminiń álemdik tusaýkeseri Varshavadaǵy Halyqaralyq kınofestıvalde ótken bolatyn, onda kartına sensasıalyq túrde gran-prı jeńip aldy. Keıin fılm Kotbýsta (Germanıa) ótken 30-shy Halyqaralyq kınofestıvalde úzdik atandy.
«18 kılogers» fılmi - 90-jyldardyń sońyndaǵy jasóspirimderdiń ómiri baıandalatyn kóshe tarıhy. Fılmdegi basty rolderdi debútant akterler somdaǵan: Musahan Jumahan, Álibek Ádiken, Kamıla Fýn-So. Kınokartına 2020 jyldyń qazanynda sensasıalyq túrde 36-shy Varshava Halyqaralyq kınofestıvaliniń gran-prıin jeńgen bolatyn.
Odan bólek, «18 kılogers» fılmi Azıadaǵy eń iri kınofestıvalde - Pýsan halyqaralyq kınofestıvaliniń «Azıa kınosyna tereze» atty konkýrstyq baǵdarlamasynda kórsetildi.
Endi aldaǵy kúnderi Almatyda fılmniń aqtyq túsirilimi ótedi.
XVII Qazan Halyqaralyq musylman kınosy festıvali Tatarstan respýblıkasynyń astanasynda 5-10 qyrkúıek aralyǵynda ótti. Bıyl forýmǵa 45 eldiń kınematografısteri ótinim bergen.