Búgin Densaýlyq saqtaý mınıstri Aqmaral Álnazarova Qazaqstanda qaǵaz túrindegi "eńbekke jaramsyzdyq paraǵynan" tolyq bas tartyp, olardy sıfrlyq formatqa kóshirý josparlanyp otyrǵanyn málimdedi, dep habarlaıdy aqshamnews.kz
Mınıstr bul baǵytta tıisti buıryqqa qol qoıylǵanyn jáne medısınalyq uıymdarda kezeń-kezeńimen júzege asyrý bastalǵanyn atap ótti.
"Sondyqtan árbir azamat óziniń "eńbekke jaramsyzdyq paraǵyn" onlaın túrde talap etýge tolyq quqyly. Qazir aınalymda eki nusqa – qaǵaz jáne elektrondyq format bar. Endi biz bul ótpeli kezeńdi aıaqtap, tolyqtaı onlaınǵa kóshýimiz qajet. Tek belgili bir ýaqyt qajet. Biraq zań júzinde jáne normatıvtik turǵydan barlyq qajetti qujattar bekitildi jáne jumys atqarylýda", – dedi Aqmaral Álnazarova.
Ol búginde elektrondy "eńbekke jaramsyzdyq paraǵyn" alý múmkindigi bar ekenin, sebebi bul fýnksıa medısınalyq aqparattyq júıelerde tolyq iske asyrylǵanyn basa aıtty.