Ýran eksporty tarıhı maksımýmǵa jetti
Bıylǵy jyldyń jeti aıynda Qazaqstan eki mıllıard dollarǵa ýran eksporttady, dep habarlaıdy Birinshi kredıttik búro. Bul ótken jyldyń osy kezeńimen salystyrǵanda 54 %-ǵa kóp.
Bul kórsetkish 2015 jyldan bastap baıqalǵan eń joǵary kórsetkish boldy. Ósim negizinen ýran baǵasynyń ósýine baılanysty, al fızıkalyq eksport kólemi aıtarlyqtaı ózgergen joq — 10,3 mıllıon kg, bul ótken jylmen salystyrǵanda 1 %-ǵa artyq.
Eksporttyń qarjylyq jaǵynan eń úlken bóligi Reseıge ketti (46 %).
Analıtıkterdiń aıtýynsha, «jyldyq deńgeıde jetkizilimderdiń jalpy quny 23 %-ǵa ósti, degenmen fızıkalyq eksport shamamen osynsha paıyzǵa tómendedi. Bir kılogramm ýrannyń ortasha quny 63 %-ǵa ósti».
Eger kılogrammmen eseptesek, osy jyly ýrannyń negizgi satyp alýshysy Qytaı boldy, onyń úlesi 44 %. Qytaı fızıkalyq jaǵynan da (+21 %) jáne qarjylyq jaǵynan da (+72 %) satyp alýdy arttyrdy.