Óskemen qalasynda 1-5 qazan kúnderi QR Mádenıet jáne aqparat mınıstrligi men Shyǵys Qazaqstan oblysy ákimdiginiń qoldaýymen Qazaqstan drama teatrlarynyń XXX respýblıkalyq festıvali ótip jatyr.
Kórnekti jazýshy, balalar ádebıetiniń klassıgi Berdibek Soqpaqbaevtyń 100 jyldyǵyna arnalǵan festıváldiń uıymdastyrýshysy — Qalıbek Qýanyshbaev atyndaǵy Qazaq ulttyq mýzykalyq drama teatry, dep habarlaıdy aqshamnews.kz.
Festıváldiń negizgi maqsaty – Qazaqstan teatr ónerin damytý, daryndy ártister men rejıserlerdi anyqtaý jáne qoldaý. Sonymen qatar, festıvál Qazaqstanda dástúrli teatr ónerin saqtaý, qazaq balalar ádebıetin dáripteý, jáne Berdibek Soqpaqbaevtyń shyǵarmashylyq murasyn máńgi este saqtaý syndy maqsattardy kózdeıdi.
1992 jyldan beri uıymdastyrylyp kele jatqan festıválde ár jyldary túrli óńirlerden teatr ujymdary balalar men jasóspirimderge arnalǵan qoıylymdaryn usynady. Bıyl festıválge 10 teatr ujymy qatysýda. Olardyń qoıylymdary Shyǵys Qazaqstan oblystyq drama jáne operetta teatrynyń sahnasynda kórsetiledi.
Festıvál jeńimpazdary «Úzdik spektákl», «Úzdik rejıserlik sheshim», «Úzdik senografıalyq sheshim», «Úzdik er adam róli», «Úzdik áıel róli» jáne basqa da nomınasıalar boıynsha anyqtalady.
Festıvál aıasynda beriletin basty marapattardyń biri — «Berdibek Soqpaqbaev atyndaǵy arnaıy syılyq».
Jeńimpazdardy marapattaý rásimi 5 qazan kúni ótedi.