Almatyda qart adamdarǵa qatysty alaıaqtyq jıilep ketti.
Kóbinese bul alaıaqtyq qurbandardyń úıine nemese telefondaryna qońyraý soǵý arqyly bolady, dep habarlaıdy aqshamnews.kz Polisia.kz-ke silteme jasap.
– Kóbine alaıaqtardyń aılasyna egde jastaǵy azamattar túsip qalady. Qaskóıler olardy tez aldaýǵa bolatynyn biledi. Aldaýdyń birneshe tanymal tizbekteri bar. Biz olardy arnaıy broshúralar men jadynamalarda kórsettik. Saıabaqtarda, alańdar men zeınetkerler jıi baratyn oryndarda aqparattyq paraqshalardy taratý arqyly profılaktıkalyq naýqan júrgizip jatyrmyz, – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Tımýr Noǵaıbaev.
Almaty polısıasy azamattardy abaı bolýǵa, kúmándi qońyraýlarǵa senbeýge, emosıaǵa berilmeýge, jaqyn týystary týraly aqparat bermeýge jáne egde jastaǵy azamattardy alaıaqtyqtyń túrleri týraly eskertýge shaqyrady.
– Mundaı alaıaqtyq týraly jaqyn týystaryńyz ben dostaryńyzǵa, ásirese qarttarǵa eskertińiz. Beıtanys adamnan telefon qońyraýyn alǵanda, onyń sizge ne jáne qalaı aıtqysy keletinine nazar aýdaryńyz. Alaıaqtar, ádette, asyqtyrýǵa, shatastyrýǵa jáne yqtımal saldaryn aıtyp qorqytýǵa tyrysady. Kez kelgen alynǵan aqparat tekserilýi kerek. Osyndaı jaǵdaıǵa tap bolsańyz, “102” púltine nemese jaqyn jerdegi polısıa bólimshesine habarlasyńyz, – dedi Tımýr Noǵaıbaev.