Taıland astanasynda erteń bokstan bastalatyn búkilálemdik lısenzıalyq týrnırde synǵa túsetin Qazaqstan sportshylarynyń qarsylasy anyqtaldy, dep habarlaıdy almaty-akshamy.kz.
Erler arasynda 63,5 kelide joldamadan úmitti Muhamedsabyr Bazarbaıuly birinshi aınalymda fılıppındik Krıstıan Laýrentemen sheberlik baıqasady. Jeńiske jetken jaǵdaı Armenıa jáne Túrkıa boksshylary jubynyń jeńimpazymen kezdesedi.
Áıelder arasynda 50 kelide Nazym Qyzaıbaı Slovakıa ókili Nıkole Dýrıkovamen kezdesedi. Odan ótse ekinshi aınalymda Ońtústik Koreıa boksshymen judyryqtasady.
54 kelide Uljan Sársenbek birinshi aınalymda bos. Ol AQSH jáne Kanada boksshylarynyń birimen judyryqtasady.
60 kelide Rımma Volosenko germanıalyq sportshymen jerebede joly túıisti. Ekinshi aınalymǵa shyqqan jaǵdaıda Úndistan-Mońǵolıa boksshylarynyń birimen sheberlik baıqasady.
66 kelide Natalá Bogdanova Serbıa ókili Krıstına Kýlýhovaǵa qarsy shyǵady.
75 kelide Valentına Halzova Ýkraına boksshysy Karolına Mahnomen ózara myqtyny anyqtaıdy.