Belgıada qazaqstandyq zyǵyrǵa suranys bar
Jyl basynan beri Qazaqstan men Belgıa arasyndaǵy taýar aınalymy 300 mln dollardan asty, dep habarlaıdy Almaty-akshamy.kz
Atalǵan memleketke elimiz tústi metal, jún, toqyma jáne hımıa ónimderin eksporttaıdy. Al bizge Belgıadan avtomobılder, elektr jabdyqtary, optıkalyq qurylǵylar, hımıa ónerkásibiniń ónimderi men taýarlary ımporttalady. Eki eldiń bıznesmenderi zyǵyr eksporty boıynsha kelisimge kelýge nıetti.
Belgıa qazaqstandyq zyǵyrdyń turaqty tutynýshysy ekenin aıta ketken jón. Buryn ol Koróldikte óńdelip, keıin Qytaıǵa jóneltiletin edi. Endi taraptar zyǵyrdy Qazaqstanda óńdep, aspanasty eline jetkizý jaıynda kelispek.
Taǵy bir aıta keterligi, bul logıstıka jaǵynan da qos elge tıimdi bolmaq.
«Biz óńirlik yntymaqtastyqty damytýǵa baǵyttalǵan barlyq jobany qoldaımyz. EO Ortalyq Azıa elderimen yntymaqtastyqty nyǵaıtýǵa múddeli. 2019 jyly EO-nyń Ortalyq Azıa boıynsha jańa strategıalyq baǵdarlamasy qabyldandy. Qujatta aımaq pen EO arasyndaǵy qarym-qatynas jáne odaqqa múshe memleketterdiń aımaqpen ózara árekettestigi egjeı-tegjeıli sıpattalǵan», - dedi Belgıa SİM Shyǵys, Ońtústik-SHyǵys Eýropa jáne Ortalyq Azıa boıynsha departament dırektory Lúk Lıbo.