Jalpy uzyndyǵy 200,8 km bolatyn 205 kóshede ortasha jóndeý jumystary aıaqtaldy, sondaı-aq qalanyń aýdany 290 myń m2 asatyn kóshe-jol jelisine aǵymdaǵy jóndeý júrgizildi.
Bul týraly Óńirlik komýnıkasıalar qyzmetiniń baspasóz konferensıasy barysynda qala ákiminiń orynbasary Serik Qusaıynov habarlady, dep habarlaıdy Almaty-akshamy.kz
Sondaı-aq, ol qaladaǵy velojoldar jelisin 2030 jylǵa qaraı 2,5 esege arttyrý josparlanǵanyn aıtty.
Atap aıtqanda, «Dýman» shaǵyn aýdanynda uzyndyǵy 28,8 shaqyrym bolatyn 56 kóshede kúrdeli jóndeý jumystary júrgizildi.
Injenerlik jelilerdi kóshirý, trotýarlardy, aryq jelilerin ornatý jáne syrtqy jaryqtandyrý tirekterin ornatý boıynsha jumystar júrgizildi, - dep naqtylady S. Qusaıynov. - Qazirgi ýaqytta lúkter men torlardy kóterý boıynsha jumystar júrgizilýde. Jumysty osy jyldyń qarasha aıynyń sońyna deıin aıaqtaý josparlanýda.
Tóle bı kóshesi boıymen Baıtursynovtan Iassaýıge deıin jol jabynyna ortasha jóndeý jumystary júrgizildi, trotýarlar men aryq jelisi ishinara jóndeldi.
Qazirgi kezde júrgizýshilerdiń jol qozǵalysy erejelerin jıi buzýlaryna baılanysty Tóle bı kóshesiniń ýchaskesinde Áýezov kóshesinen Brýsılovskııge deıingi bordúrler ornatyldy. Sondaı-aq, Rozybakıev kóshesinen Karımov kóshesine deıin eki baǵytta da Anosov kóshesinen shyǵatyn kólikter úshin aınalma joldar salyndy.
Spıker jaqyn arada kólik jáne komýnıkasıalar ǴZI Almatyda veloınfraqurylymdy damytý strategıasyn usynatynyn, onda veloınfraqurylym obektilerin jobalaý, salý jáne paıdalaný boıynsha usynymdar kórsetiletinin habarlady.
2030 jylǵa deıin 185 km-den astam velojol salý josparlanýda, bul olardyń uzyndyǵyn 2,5 esege (262,8 km-ge deıin) arttyrady jáne búkil qalany ózara baılanystyrady.