Qaza bolǵan batyrlar halyq jadynda máńgi qalady.
Búgin Qazaqstanda Jambyl oblysynyń Baızaq aýdanynda bolǵan qaıǵyly oqıǵaǵa baılanysty Jalpyulttyq aza tutý kúni, dep habarlaıdy Almaty.akshamy.kz.
Bul apat bizdiń elimizdiń turǵyndaryn biriktirip, barlyq qazaqstandyqtardyń júregine aýyr tıdi. Zardap shekkenderge azamattyq qoǵam men óner ókilderi, saıasatkerler men bıznesmender qoldaý kórsetedi. Qaıǵyǵa ortaqpyz.
Túrli qoǵamdyq birlestikter men qaýymdastyqtar da shette qalmaıdy.
Qazaqstan Ázerbaıjandar qaýymdastyǵy óz halqymen birge ekendigin jetkizdi.
«QR Prezıdenti 29 tamyzdy Jambyl oblysyndaǵy oq-dáriler qoımasynda adam ólimine ákep soqqan qaıǵyly oqıǵaǵa baılanysty Jalpyulttyq aza tutý kúni dep jarıalady. Qazaqstan Ázirbaıjandar qaýymdastyǵynyń atynan qaza tapqan batyrlardyń – áskerı qyzmetshiler men qutqarýshylardyń týǵan-týystary men jaqyndaryna shyn júrekten kóńil aıtamyz. Olar bizdiń júregimizde jáne halyqtyń jadynda máńgi qalady. Biz sizdermen birge qaıǵyramyz. Imandy bolsyn», - dep jazylǵan qaýymdastyqtyń Facebook-tegi resmı paraqshasynda.