Halyqtyń birligin uıystyryp otyratyn eldigimizdiń úlken belgisi ol memlekettik tutastyq bolyp tabylady.
Keshegi qaıǵyly oqıǵa tek Jambyl oblysynyń turǵyndarynyń basyna bitken qasiret emes. Ol – ár qazaqstandyqtyń júregin syzdatatyn jaǵdaı. Osyǵan oraı Prezıdentimizdiń bul kúndi qaraly kún dep qarastyrýy óte oryndy áreket. Ári zańdy qubylys. Osyndaı qıyn kezderde bizdiń halyq retinde, ult retinde tutastyǵymyz ben birligimiz synǵa túsedi. Basyna bult tóngende jan-jaqty qoldaý kórsetý arqyly janashyr eldiń bar ekenin baıqatyp, birtutas memleket retinde sezindirdi. Ult retinde bizdiń birge ekenimizdi jambyldyq aǵaıyndar seziný kerek. Qaraly kún dep jarıalanýy – jaýapkershiliktiń nyshany. Qasıetti Taraz shaharynyń halqyna biz sizdermen birgemiz degim keledi. Mundaı jaǵdaı halyq qaýipsizdigi úshin jaýapkershilikke úndep, sol joldaǵy áreketterdi tarazy basyna qoıyp saraptaıtyn sát dep qaralýy tıis. Óıtkeni, memleketimizdiń basty qundylyǵy ol halyqtyń qaýipsizdigimen ólshenedi.