Túrkıada jasyrynǵan Qazaqstan azamaty halyqaralyq terorıstik uıymnyń áreketine qatysy bar degen kúdikpen elge qaıtaryldy.
Ulttyq qaýipsizdik komıteti 16 qarasha kúni QR Bas prokýratýrasymen birlese otyryp, Antalıa qalasynan Almatyǵa QR azamatyn alyp keldi, dep habarlaıdy aqshamnews.kz UQK-ǵa silteme jasap.
Tergeý materıalyna sáıkes, ol erterekte Sırıaǵa ketip, qarýly toptardyń birine qosylǵan. Sodan keıin Túrkıaǵa jetip, sol jerde polısıa organdarymen ustalǵan.
Onyń óz erkimen Qazaqstanǵa qaıtyp, zańmen qarastyrylǵan qylmystyq jaýapkershilikti tartýǵa daıyn ekeni anyqtaldy.
UQK fıgýrantqa qatysty Qylmystyq kodekstiń 257-baby 2-bóligi boıynsha sotqa deıingi tergep-tekserýdi júrgizýde. Ol sot sanksıasymen qamaýǵa alyndy.
Qylmystyq-prosestik kodekstiń 201-babynyń 1-bóligine sáıkes ózge aqparat jarıa etýge jatpaıdy.