Qazaqstannyń avıasıalyq ákimshiligi «Air Transport News Corporate Award» syılyǵyn aldy, dep habarlaıdy Almaty-akshamy.kz BAQ.KZ-ke siltema jasap.
Shara barysynda Qazaqstannyń avıasıalyq ákimshiligi «Air Transport News Corporate Award» syılyǵyn aldy. Bul halyqaralyq avıasıalyq qaýymdastyǵy tarapynan Qazaqstandaǵy azamattyq avıasıany basqarýdyń jańa modeline kóshý boıynsha júrgizilgen jumystardy moıyndaý bolǵany anyq.
Marapat Qazaqstannyń Kanadadaǵy Elshisi Aqylbek Kamaldınovke tabystaldy. Qazaqstannyń avıasıalyq ákimshiligi - úsh jyl buryn halyqaralyq ozyq tájirıbelerge negizdelgen tıimdi avıasıalyq organ bolý maqsatymen qurylǵan jas retteýshi organ.
Qazaqstannyń avıasıalyq ákimshiligi men IIDM Azamattyq avıasıa komıteti Qazaqstannyń óńirlik jáne halyqaralyq deńgeılerde avıasıalyq qatysýyn odan ári damytýdy jáne keńeıtýdi jalǵastyrady.
2023 jylǵy jeńimpazdar arasynda IKAO prezıdenti Salvatore Shıachıtano, ERA bas dırektory Monserrat Barrıga, IATA basqarýshylar keńesiniń tóraǵasy Mehmet Nane, Gaıana azamattyq avıasıa basqarmasynyń bas dırektory Egbert Fıld, TIACA, Wizz Air, iGA Stambýl áýejaıy, SkyTeam bar.
ATN korporatıvtik marapaty salanyń halyqaralyq deńgeıde tanylýynyń eń joǵary deńgeıin bildiredi jáne Qazaqstannyń avıasıalyq bılik oryndaryn elimizdiń azamattyq avıasıa salasynyń ıgiligi úshin ózderiniń órshil maqsattaryna jetýge jáne óz áleýetin tolyq iske asyrýǵa yntalandyratyn bolady.