Izraıl tarapynyń bastamasymen Memleket basshysy Qasym-Jomart Toqaev Izraıl Prezıdenti Ishak Gersogpen telefon arqyly sóılesti, dep habarlaıdy Almaty-akshamy.kz Aqordaǵa silteme jasap.
Ishak Gersog Qasym-Jomart Toqaev pen Qazaqstan halqyn aldaǵy Naýryz meıramymen jáne qasıetti Ramazan aıynyń bastalýymen quttyqtady.
Óz kezeginde Memleket basshysy Izraıl Prezıdentine quttyqtaǵany úshin alǵys aıtyp, Pesah meıramy qarsańynda Izraıl halqyna amandyq pen baq-bereke tiledi.
Sonymen qatar prezıdentter Qazaqstan men Izraıldiń saýda-ekonomıka salasyndaǵy yntymaqtastyǵyn nyǵaıtý perspektıvalaryn talqylady.
Áńgimelesý barysynda ekijaqty taýar aınalymynyń kólemi arta bastaǵany atap ótildi.
Sondaı-aq eki el arasynda mádenı-gýmanıtarlyq baılanystardy nyǵaıtý mańyzdylyǵy aıtyldy.