Jańa halyqaralyq baǵyttar tizimi jarıalandy
Qazirgi tańda Qazaqstan Respýblıkasynan halyqaralyq áýe qatynasy 28 elmen aptasyna 660 reıs jıiligimen 121 áýe baǵyttary boıynsha oryndalady, dep habarlaıdy aqshamnews.kz.
Qazaqstan Respýblıkasy Kólik mınıstrliginiń Azamattyq avıasıa komıteti turaqty negizde jańa halyqaralyq áýe baǵyttaryn ashý jumystaryn júrgizýde.
Osylaısha, «SCAT» áýe kompanıasy bıyl Shymkent qalasynyń áýejaıynan kelesi jańa halyqaralyq baǵyttardy ashýdy josparlap otyr:
- 27 mamyrdan bastap:
Shymkent – Býdapesht (Vengrıa), aptasyna 2 reıs;
Shymkent – Múnhen (Germanıa), aptasyna 3 reıs;
- 28 mamyrdan bastap:
Shymkent – Sıan (Qytaı), aptasyna 2 reıs;
- 29 mamyrdan bastap:
Shymkent – Kaır (Mysyr), aptasyna 2 reıs;
Shymkent – Shanhaı (Qytaı), aptasyna 2 reıs;
Shymkent – Seýl (Koreıa), aptasyna 2 reıs;
- 30 mamyrdan bastap:
Shymkent – Úrimshi (Qytaı), aptasyna 2 reıs.
«Air Astana» áýe kompanıasy da birneshe jańa halyqaralyq baǵyttardy iske qosýdy josparlaýda:
- 30 naýryzdan bastap ashylǵan reıster:
Almaty – Gýanchjoý (Qytaı), aptasyna 3 reıs;
Almaty – Náchang (Vetnam), aptasyna 2 reıs;
- 31 naýryzdan bastap ashylǵan reıster:
Astana – Náchang (Vetnam), aptasyna 2 reıs;
- Josparlanýda:
- 20 sáýirden bastap: Almaty – Mýmbaı (Úndistan), aptasyna 3 reıs;
- 14 mamyrdan bastap: Astana – Danang (Vetnam), aptasyna 2 reıs;
- 27 mamyrdan bastap: Atyraý – Tbılısı (Grýzıa), aptasyna 3 reıs;
- 28 mamyrdan bastap: Almaty – Osh (Qyrǵyzstan), aptasyna 4 reıs;
- 31 mamyrdan bastap: Atyraý – Baký (Ázirbaıjan), aptasyna 3 reıs;
- 1 maýsymnan bastap: Almaty – Frankfýrt (Germanıa), aptasyna 3 reıs;
- 4 maýsymnan bastap: Almaty – Danang (Vetnam), aptasyna 2 reıs.
«Qazaq Air» áýe kompanıasy bıylǵy jyly 1 mamyrdan bastap Astana – Túrkistan – Samarqand jańa halyqaralyq baǵytyn aptasyna 2 reıs jıiligimen iske qosýdy josparlanýda.
«Fly Arystan» áýe kompanıasy bıylǵy jyly kelesi jańa baǵyttardy ashýdy josparlap otyr:
- 18 mamyrdan bastap:
Almaty – Inın (Qulja), aptasyna 2 reıs;
- 4 maýsymnan bastap:
Qaraǵandy – Ystanbul (Túrkıa), aptasyna 2 reıs.
Sondaı-aq, birqatar sheteldik áýe kompanıalar Qazaqstan Respýblıkasyna jańa reıster ashýda:
- «Eastar Jet» (Koreıa):
7 sáýirden bastap Seýl – Almaty baǵyty ashyldy, aptasyna 2 reıs;
Bıylǵy jyldyń kóktem-jaz maýsymynda Pýsan – Almaty baǵyty ashylady, aptasyna 2 reıs;
- «TWay» (Koreıa):
Bıylǵy jyldyń kóktem-jaz maýsymynda Seýl – Astana baǵyty, aptasyna 2 reıs;
- «Spice Jet»:
Bıylǵy jyldyń kóktem-jaz maýsymynda Delı – Almaty baǵyty, aptasyna 4 reıs;
- «Air Cairo» (Mysyr):
3 sáýirden bastap Sharm-el-SHeıh – Qostanaı baǵyty ashyldy, aptasyna 1 reıs;
13 sáýirden bastap Hýrgada – Almaty baǵyty, aptasyna 2 reıs;
- «Thai Air Asia X» (Taıland):
2025-2026 jyldardaǵy kúz-jaz maýsymynda Bangkok jáne Phýket qalalarynan Almatyǵa baǵyttar josparlanǵan.
Jańa áýe baǵyttarynyń ashylýy jolaýshylar úshin tańdaý múmkindigin arttyrýǵa, áýe tasymaly naryǵyndaǵy básekelestikti kúsheıtýge yqpal etedi. Bul óz kezeginde tasymal baǵasyna oń áser etip, qyzmet kórsetý sapasynyń artýyna múmkindik beredi.