Jeke quram olardy paıdalanýdy oqyp-úırendi.
Radıasıalyq, hımıalyq jáne bıologıalyq qorǵaý áskerleriniń jaraq quramy bıologıalyq barlaý mashınalarynyń zamanaýı keshenderimen tolyqty, dep habarlady Almaty-alshamy.kz.
««Qaýipsiz el» ulttyq jobasyn iske asyrý aıasynda Qorǵanys mınıstrligi Qazaqstan áskerin tehnıkalyq jáne jaýyngerlik jaraqtandyrý máselelerin pysyqtaýda. Otandyq úlgidegi qarý-jaraq ázirleý basym baǵyt bolyp tabylady», - delingen mınıstrliktiń baspasóz qyzmetiniń habarlamasynda.
Mamandardyń aıtýynsha, otandyq «OTS NETWORK» kompanıasy bıologıalyq barlaý keshenderin ázirlep shyǵardy. Olar áskerlerdiń qajettilikterine qaraı zıatkerlik aqparattyq tehnologıalardy qoldana otyryp jobalandy.
Bıologıalyq sıpattaǵy tótenshe jaǵdaı aýmaǵyndaǵy arnaıy tehnıka patogenderdi anyqtaý jáne olardy shuǵyl taldaý úshin zerthana jaraǵymen, jedel túsirilim júrgizýge qajetti sholý beınekamerasymen jabdyqtalǵan. GPS/Glonass termınalynyń bıologıalyq zaqymdaý aımaqtarynyń derekterin tirkeý jáne jerseriktik baılanys júıesi arqyly málimetterdi jedel berý múmkindigi bar.
Qazirgi ýaqytta mobıldik keshenderdi jınaqtaý men jumysqa qabilettiligin tekserý synaqtary aıaqtaldy. Jeke quram olardy paıdalanýdy oqyp-úırendi. Jýyrda arnaıy jabdyq maqsatqa sáıkes qoldaný úshin áskerlerge jiberiledi.
