Bul baıqaýdyń tarıhynda birinshi ret bolyp tur.
«Qazaqstan arýy – 2021» baıqaýynyń tarıhynda alǵash ret úsh jeńimpaz anyqtaldy, dep habarlaıdy dep habarlaıdy Almaty-akshamy.kz
«Qazaqstan arýy» ataǵyn ıelengen qyzdardyń árqaısysy Qazaqstandy iri halyqaralyq baıqaýlarda tanystyrmaq.
«Álem arýy» baıqaýynda Qazaqstan atynan aqtóbelik 23 jastaǵy Nazerke Karmanova shyǵady. Ol Aqtóbedegi Qazaq-Orys Halyqaralyq ýnıversıtetin býhgalter mamandyǵy boıynsha bitirgen. Qazir Almatydaǵy bankterdiń birinde menedjer bolyp jumys isteıdi. Boıjetken bos ýaqytynda sadaq atýmen aınalysady, vıdeoǵa, sýretke túsirgendi unatady.
Baıqaýdyń taǵy bir jeńimpazy 21 jastaǵy Aıdana Ahataeva boldy. Ol – «Astana arýy – 2021» ıegeri. Aıdana «Álem arýy» baıqaýynda Qazaqstan atynan shyǵady. 21 jastaǵy boıjetken Qazaq ulttyq óner ýnıversıtetiniń túlegi, qazir elordada mýzykalyq stýdıalardyń birinde fortepıanodan sabaq beredi. Bos ýaqytynda klasıkalyq mýzyka tyńdap, shet tilderin úırengendi unatady.
Úshinshi jeńimpaz 20 jastaǵy qaraǵandylyq Anna Glýbokovskaıa boldy. Ol Qazaqstandy «Jer arýy» baıqaýynda tanystyrady. Anna Almatyda dybys jabdyǵymen aınalysatyn kompanıada jumys isteıdi. Mýzykamen áýestenedi, shetel ádebıetin oqyǵandy unatady. Bala kezinen orys tilinen olımpıadalarǵa qatysqan jeńimpaz. Sonymen qatar, Anna bolashaqta bet árleýshi mamandyǵyn kásibı túrde meńgerýdi josparlaıdy.