B12 dárýmeniniń qandaı qasıetteri bar?
Amerıkanyń Delaver ýnıversıtetiniń zertteýshileri V12 dárýmeni Alsgeımer aýrýynyń damýyna áser etýi múmkin ekenin anyqtady. Mamandardyń osyǵan qatysty málimetterin 16 qarasha kúni Express basylymy keltirgen, dep habarlaıdy Almaty-akshamy.kz «Izvestıa» basylymyna silteme jasap.
Ǵalymdar Alsgeımer aýrýy bar naýqastarda beta-amıloıd aqýyzdarynyń jınalyp qalatynyn atap ótti. Bul qosylystar neırondarǵa ýly áserin bóledi de, ol energıanyń tómendeýine ákeledi, sonymen qatar uzaqqa sozylǵan paralıchke ákeledi.
Mamandar kádimgi jaýyn qurtyna tájirıbe júrgizgen. Olardy B12 dárýmeniniń E.coil bakterıalarymen tamaqtandyrýdan keıin anyqtalǵany – jany ketip qalý (paralıch) áserinen qosymsha qorǵanyshqa ıe bolǵan.
«Biz vıtamınniń jetispeýshiligi bar qurttarǵa B12 dárýmeni bergen kezde, paralıch baıaý júrdi, bul bizge B12 paıdaly ekenin birden baıqatty», — dep atap ótti jumystyń jetekshi avtory profesor Djessıka Tanıs.
Sonymen birge, zertteýge qatyspaǵan, biraq dárigerlerdiń tujyrymdarymen tanysqan Alzheimer ' s Research UK translásıalyq ǵylymynyń jetekshisi, doktor Djeıms Konnell mundaı jumystardyń medısınada úlken jetistik ekenin atap ótti. Alaıda, onyń aıtýynsha, vıtamınniń aǵzaǵa qanshalyqty jaqsy áser etetinin bilý úshin tyshqandarǵa, sodan keıin adamdarǵa osyndaı tájirıbeler jasaý kerek.
Buǵan deıin, qańtar aıynda RAN sıtologıa jáne genetıka ınstıtýtynyń ǵalymdary Alsgeımer men Parkınson aýrýlarymen kúresýdiń ádisi retinde bıdaıdyń erekshe túrin qoldanýdy usyndy. Olardyń aıtýynsha, quramynda antosıanınder bar bıdaı organızmniń kognıtıvtik qyzmetine oń áser etedi, bul patogenetıkalyq prosesterdi toqtatýǵa múmkindik beredi.