«Qazaqstandyq-amerıkalyq qarym-qatynastarǵa otyz jyl: qańtar daǵdarysy jáne bolashaqqa jol»
Osy taqyryp AQSH-tyń jetekshi saraptama ortalyqtarynyń biri sanalatyn Atlantıkalyq keńes alańynda paneldik pikirtalasqa ózek boldy. Jıynda Qazaqstannyń qańtar oqıǵasynan keıingi saıası jáne ekonomıkalyq reformalary jáne qos el arasyndaǵy keńeıtilgen strategıalyq áriptestikti odan ári damytýdyń mańyzdylyǵy talqylandy, dep habarlaıdy Almaty-akshamy.kz
Qatysýshylar Qazaqstannyń ǵalamdyq turaqtylyq pen qaýipsizdikti qamtamasyz etýge qosqan eleýli úlesin atap ótti. Al Qazaqstannyń Elshisi panelge qatysýshylarǵa qańtar oqıǵalarynyń túpki sebepterin joıý boıynsha atqarylyp jatqan sharalary týraly baıandady. Atlantıkalyq keńestiń sarapshylary Qazaqstan men AQSH arasyndaǵy áriptestiktiń nyǵaıa túserine senim bildirdi.
«Men jyldar boıy «AQSH-tyń Ortalyq Azıadaǵy negizgi seriktesteriniń biri – Qazaqstan» dep aıtyp kelemin. Qazir munyń ózektiligi tipti arta tústi. Aldaǵy ýaqytta AQSH-tyń joǵary resmı ókilderin Qazaqstanǵa jiberip, Qazaqstannyń ókilderin Vashıngtonǵa shaqyryp, osylaısha áriptestikti arttyrýymyz qajet. Qazaqstan Ortalyq Azıadaǵy turaqtandyrýshy jáne teńgerýshi rólin atqaryp keledi. Sondaı-aq óziniń tıimdiligin dáleldegen kópvektorly syrtqy saıasatyn sátti júzege asyrýda», - dedi Atlantıkalyq keńes Eýrazıalyq ortalyǵynyń dırektory Djon Herbst.