Túrkistan oblysynda ónerkásiptik kólemde banan óndirile bastaıdy
Túriktiń Gengroup Qazaqstan kompanıasy óńirde banan otyrǵyzylǵan 5,3 ga jylyjaı keshenin saldy. Qazaqstannyń klımattyq jaǵdaılaryna beıimdelgen banannyń sorty arnaıy ósirildi, dep habarlady Almaty-akshamy.kz.
Jaqyn arada jylyjaı taǵy 5 gektarǵa keńeıtiledi, bul jylyna shamamen 1000 tonna banan óndirýge múmkindik beredi. Alǵashqy ónimdi 6-8 aıdan keıin jınaý josparlanyp otyr. Ekzotıkalyq jemisterden basqa, jylyjaıda qyzanaq pen qulpynaı ósiriledi.
«Jobanyń quny birinshi kezeńde 4 mıllıon AQSH dollardy quraıdy. Túrik kompanıasy qurylys kezinde joǵary beriktigi bar qurylymdardy paıdalandy, jylyjaılar klımattyq baqylaýmen jáne beıimdelgish qorektendirý júıesimen jabdyqtalǵan, bul ósimdikterdiń genetıkalyq áleýetin tipti qolaısyz aýa-raıynda da tolyq ashýǵa múmkindik beredi», - dep habarlady Aýyl sharýashylyǵy mınıstrliginiń baspasóz qyzmeti.
