Tanda.enbek.kz-te bos jumys oryndar boıynsha turaqty túrde óńirlik jármeńkeler ótedi, dep habarlaıdy almaty-akshamy.kz.
Tanda.enbek.kz portalynda óńirlik mansap ortalyqtary uıymdastyratyn bos jumys oryndarynyń onlaın-jármeńkelerin ótkizý múmkindigi iske asyryldy.
Onlaın-jármeńkeler barysynda jumys berýshilerge ózderine qajetti mamandardy onlaın formatta tabýǵa múmkindik beriledi. Árbir jumys izdep júrgen adam óziniń túıindemesin jumys berýshige jiberip qana qoımaı, sonymen qatar onlaın-chat arqyly HR mamandarymen máselelerdi talqylap, beıne suhbat arqyly suhbattasa alady.
Jármeńkege qatysý úshin jumys berýshiler de, izdenýshiler de Tanda.enbek.kz portalynda tirkeýden ótýi qajet.
Onlaın-jármeńkeler Qazaqstannyń barlyq óńirlerinde ótedi. Tolyq aqparat pen jármeńkelerdi ótkizý kestesi Tanda.enbek.kz portalynda jarıalanǵan.
Osy ýaqytqa deıin Tanda.enbek.kz-te ártúrli qyzmet salalary úshin de, jekelegen óńirler úshin de birqatar onlaın-jármeńkeler ótkizilip, oǵan jalpy 110 jumys berýshi men 3 myńnan astam izdenýshi qatysty.