2024 jyldan bastap Halyqaralyq Araldy qutqarý qoryna tóraǵalyq etý kezegi Qazaqstan Respýblıkasyna ótti.
Aldaǵy úsh jyl boıy elimiz atalǵan uıymdy basqaratyn bolady, dep habarlaıdy Almaty-akshamy.kz Cý resýrstary jáne ırrıgasıa mınıstrligine silteme jasap.
Memleket basshysy Qasym-Jomart Toqaev 2026 jyldyń sońyna deıin HAQQ Prezıdenti bolyp saılandy.
Quramyna Qazaqstan, Tájikstan, Túrikmenstan jáne Ózbekstan kiretin Halyqaralyq Araldy qutqarý qory Aral teńizin qutqarýǵa jáne óńirdiń ekologıalyq jaǵdaıyn jaqsartýǵa, sondaı-aq jalpy áleýmettik-ekologıalyq problemalardy sheshýge baǵyttalǵan birlesken memleketaralyq ekologıalyq jáne ǵylymı-praktıkalyq baǵdarlamalar men jobalardy iske asyrýmen aınalysady.
«Biz Ortalyq Azıa memleketterimen, sondaı-aq basqa da halyqaralyq uıymdarmen jáne qarjy ınstıtýttarymen yntymaqtastyqty arttyrýdy josparlap otyrmyz. Bıyl biz Dúnıejúzilik bankpen birge júzege asyrylyp jatqan Soltústik Araldy saqtaý jobasynyń ekinshi kezeńin bastaýdy josparlap otyrmyz. Aral teńizin qutqarý - bul HAQQ-ǵa qatysýshy barlyq elderdiń birlesken kúsh-jigeriniń arqasynda ǵana oryndalatyn mindet. Aldaǵy úsh jylda biz osy baǵytta mańyzdy nátıjelerge qol jetkizýge nıettimiz», - dedi QR Sý resýrstary jáne ırrıgasıa mınıstri Nurjan Nurjigitov.