Bul týraly Syrtqy ister mınıstriniń orynbasary Almas Aıdarov málimdedi.
Qazaqstan shetelden jyl sońyna deıin 24 mlrd dollar ınvestısıa tartady, al aldaǵy 7 jylda 150 mlrd dollar ınvestısıa tartýdy kózdep otyr, dep habarlaıdy Almaty-akshamy.kz
Mınıstrliktiń aıtýynsha, ınvestısıa kólemin arttyryp qana qoımaı, paıdasy bar salalarǵa salý kerek. Qazaqstanǵa ınvestor memleketter - Nıderlandy, AQSH, Shveısarıa, Belgıa, Sıngapýr, Qytaı, Japonıa jáne Reseı, Ońtústik Koreıa men Belgıa jáne Ulybrıtanıa memleketteri. Jalpy ınvestısıanyń 90 paıyzyn damyǵan 20 memleket qamtamasyz etip otyr.
«Geosaıası jáne qańtar oqıǵasyna qaramastan, Qazaqstan ınvestorlardyń seniminen shyqty. Ótken jyly 14 mlrd dollar ınvestısıa tarttyq. Aldyńǵy jylmen salystyrǵanda bul 28 paıyzǵa artyq. Jyl aıaǵyna deıin 24 mlrd ınvestısıa tartý kózdelip otyr. Prezıdent tapsyrmasyna oraı aldaǵy 7 jylda 150 mlrd dollar ınvestısıa tartý jospary tur», - dep málimdedi Syrtqy ister mınıstriniń orynbasary Almas Aıdarov.
Qazaqstan sheteldik 300-ge jýyq kompanıamen seriktestik qarym-qatynasta 3 myń kezdesý uıymdastyrylǵan. Sheteldik ınvestorlordyń arqasynda jyl saıyn 40 iri joba júzege asyp keledi. Bıyl da 36 iri joba iske qosyldy.
«Investısıalyq jobalardyń jalpy ulttyq pýlyn qurdyq. Bolashaqta quny 32,4 trln bolatyn 935 jobany júzege asyrý kózdelip otyr. Bul jobalardyń 156-sy iske qosyldy», - deıdi Almas Aıdarov.
Jyl aıaǵyna deıin jalpy quny 2,3 trln bolatyn 191 joba iske qosylady.