Elshiler úlken keńselerdiń basshylarymen tikeleı sóılesedi.
Syrtqy ister mınıstrliginiń ókili amerıkandyq Apple korporasıasymen jáne Shvesıanyń IKEA jıhaz jáne úı taýarlaryn satý jónindegi kompanıasymen júrgizilip jatqan kelissózder jaıynda aıtty, dep habarlaıdy Almaty-akshamy.kz.
«Bizdiń elshiler úlken keńselerdiń basshylarymen tikeleı sóılesedi. Ár brendpen jeke kelissózder júrgizilýde. Eger Apple týraly aıtatyn bolsaq, bul kompanıaǵa Qazaqstanda óndiris usyný, meniń oıymsha, qısynsyz», - dedi Syrtqy ister mınıstriniń orynbasary Almas Aıdarov OKQ brıfıńinde.
Onyń aıtýynsha, Qazaqstanda smartfondar óndirisi boıynsha básekelestik artyqshylyqtar joq.
«Almatyda Apple-dyń saýda jónindegi resmı ókildigin ashý boıynsha kelissózder júrgizilýde. Apple bizge mundaı deńgeıdegi máselelerdi sheshý úshin shamamen 3-4 jyl qajet ekenin aıtty. Biraq bul jumys bastalyp ketti», - dep túsindirdi Aıdarov.
Sondaı-aq SİM ókili jıhaz jáne úı taýarlaryn satatyn IKEA kompanıasynyń Qazaqstanǵa kóshýi týraly máselege túsinikteme berdi.
«Olar bizdiń naryqty birneshe ret qarastyrdy. Biraq kompanıa Reseıdegi aktıvterin tastaý tıimdi emes dep oılaıdy. Buǵan deıin IKEA Reseıde kóptegen aktıvterdi satyp alǵan edi», - dep qosty spıker.