Qumar oıyndary bar saıttardy anyqtaý boıynsha monıtorıń júrgizilgen.
Qazaqstanda qolaısyz mazmundy qamtıtyn jáne buǵattaýǵa usynylatyn saıttardyń «qara katalogy» ázirlendi. Bul týraly Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy Qaırat Baımýldınov Ortalyq komýnıkasıalar qyzmetinde ótken brıfıńte habarlady, dep habarlaıdy Almaty-akshamy.kz inbusiness.kz cilteme jasap.
Spıkerdiń aıtýynsha, granttyq qarjylandyrý sheńberinde "Jastar men balalar arasynda ınternetke táýeldilik pen qumar oıyndardyń aldyn alý" áleýmettik jobasy qolǵa alyndy.
«Onyń aıasynda birqatar jumys atqaryldy. Sonyń ishinde jastar men balalar arasynda fokýs-toptardyń saýalnamasyn uıymdastyrý jáne ótkizý, ınternetke táýeldilik, qumar oıyndar men kıberbýllıng deńgeıi joǵary óńirlerdi anyqtaý boıynsha óńirlerde úılestirýshiler taǵaıyndaldy. Aqparattyq kýrstar men jobalardy iske asyrý, jastardy ınternet-keńistikte qaýipsiz júris-turys qaǵıdalaryna oqytý, kıberbýllıngtiń, ınternet-táýeldiliktiń jáne qumar oıyndarǵa táýeldiliktiń aldyn alý boıynsha aqparattyq-túsindirý materıaldaryn ázirleý maqsatynda beıne nusqaýlyqtar ázirlendi», - dedi ol.
Vedomstvo ókiliniń sózinshe, budan bólek jelide qumar oıyndary bar saıttardy anyqtaý boıynsha monıtorıń júrgizilgen kórinedi.
«Nátıjesinde «ata-ana baqylaýy» paıdalanýshysynyń jeke kabınetterinde buǵattaýǵa usynylǵan 16 saıt anyqtaldy. Qolaısyz mazmundy qamtıtyn jáne buǵattaýǵa usynylatyn saıttardyń «qara katalogy» jasaldy», - dedi Qaırat Baımýldınov.