Bokstan Qazaqstan áıelder quramasy Iordanıada ótip jatqan Azıa chempıonatynda jalpy medaldyq esepte ekinshi orynǵa ıe boldy. Bul týraly Almaty-akshamy.kz Inbusiness.kz-ke silteme jasap habarlaıdy.
Fınalda barlyǵy on komanda óner kórsetti. Qazaqstannan áıelder arasynda Alýa Balqybekova (48 kelige deıin), Jaına Shekerbekova (54 kelige deıin) jáne Karına Ibragımova (57 kelige deıin) qurlyqtyq dodanyń altyn júldegerleri atandy. Altyn úshin talasta tórt sportshymen óner kórsetken Qazaqstannyń basty básekelesi bes fınalısti bar Úndistan boldy. Sondaı-aq fınalda Ózbekstan, Koreıa jáne Taıland quramalarynan eki sportshydan óner kórsetti. Al fınaldyq kezdesýlerde Japonıa quramasynyń joly bolmady. Olar bes fınalıstpen bir ǵana altyn aldy.
Jalpy jeńis úshin sheshýshi jekpe-jek 81 kelige deıingi salmaqtaǵy fınaldyq kezdesý boldy. Gúlsaıa Erjan úndistandyq Savıtımen qolǵap túıistirgenimen, qarsylasyna upaı sany boıynsha jeńilip qaldy. Nátıjesinde ol jarystyń kúmis júldegeri (81 keli) atansa, al Nazym Qyzaıbaı (50 keli), Jazıra Oraqbaeva (52 keli), Mádına Nurshaeva (66 keli), Darıǵa Shákimova (70 keli) jáne Lázzat Kúngeıbaeva (+ 81 keli) qola júldeni qanaǵat tutty.
Áıelder arasynda ótken 2022 jylǵy Azıa chempıonatynyń fınalynan keıingi medaldar kestesi.
1. Úndistan – tórt altyn, bir kúmis, eki qola
2. Qazaqstan – úsh altyn, bir kúmis, bes qola
3. Japonıa – bir altyn jáne tórt kúmis
4. Koreıa men Ózbekstan – bir altyn, bir kúmis
5. Ózbekstan – bir altyn, bir kúmis, bir qola
6. Taıvan - bir altyn, eki qola
7. Vetnam – bir altyn
8. Taıland – eki kúmis, bir qola
9. Mońǵolıa - bir kúmis, 4 qola
10. Iordanıa - bir kúmis, 1 qola
Aıta keteıik, búgin 12 qarashada erler quramasy altyn úshin jekpe-jek ótkizedi. Erler quramasynyń birden toǵyz ókili týrnırdiń altyny úshin talasady. Olardyń beseýiniń qarsylastary Ózbekstan quramasynyń ókilderi.
48 kg. Sanjar Táshkenbaı (Qazaqstan) - Aratake Kadzýma (Japonıa)
51 kg. Sáken Bıbosynov (Qazaqstan) - Hasanboı Dýsmatov (Ózbekstan)
54 kg. Mahmýd Sabyrhan (Qazaqstan) - Karlo Paalam (Fılıppın)
57 kg. Serik Temirjanov (Qazaqstan) - Abdýmalık Halokov (Ózbekstan)
67 kg. Dýlat Bekbaýov (Qazaqstan) - Býndjong Sınsırı (Taıland)
71 kg. Aslanbek Shymbergenov (Qazaqstan) - Zeıad Ishaısh (Iordanıa)
75 kg. Nurqanat Raıys (Qazaqstan) - Saıdjamshıd Djafarov (Ózbekstan)
92 kg. Aıbek Oralbaı (Qazaqstan) - Madıar Saıdrahımov (Ózbekstan)
+92 kg. Qamshybek Qońqabaev (Qazaqstan) - Lázızbek Mýllajonov (Ózbekstan)