Bul týraly Qarjy mınıstrliginiń Memlekettik kirister komıteti habarlady.
8 maýsymnan bastap elimizden aǵash materıaldarynyń keıbir túrlerin shyǵarýǵa tyıym salyndy, dep habarlaıdy Almaty-akshamy.kz
Tyıym 2022 jylǵy 8 maýsymda kúshine engen «Aǵash materıaldarynyń jekelegen túrlerin áketýdi retteýdiń keıbir máseleleri týraly» Qazaqstan Respýblıkasy Indýstrıa jáne ınfraqurylymdyq damý mınıstriniń 2022 jylǵy 7 maýsymdaǵy 322 buıryǵymen engizildi. Buǵan deıin elimizde osyndaı tyıym 2021 jylǵy 7 jeltoqsan men 2022 jylǵy 7 maýsym aralyǵynda qoldanylǵan.
Atalǵan buıryq alty aı qoldanysta bolady.
«Atalǵan tyıym otandyq aǵash óńdeý ónerkásibin damytý jáne aǵash ónimderin zańsyz áketýge jol bermeý maqsatynda engizilgen», – delingen vedomstvo taratqan habarlamada.
Qandaı materıaldardy Qazaqstannan shyǵarýǵa tyıym salynady:
(4401) otyn túrindegi bóreneler, bóreneler, butaqtar nemese uqsas túrlerdegi súrek (aǵashtyń qabyq astyndaǵy qatty bóligi);
(4403) qabyǵy alynǵan nemese alynbaǵan, batpaqtanǵan nemese óreskel jıektelgen, kesilmegen, óńdelmegen aǵash materıaldary;
(4404) bóshkelik súrek; jarylǵan bóreneler; aǵashtan jasalǵan úshkirlengen, biraq kesilmegen qadalar, qazyqtar jáne baǵanalar; taıaqtardy, qolshatyrlardy, qural-saımandarǵa arnalǵan tutqalardy nemese uqsas buıymdardy óndirý úshin paıdalanylatyn, óreskel qıystyrylǵan, biraq qaıralmaǵan, maıystyrylmaǵan nemese basqa tásilmen óńdelmegen aǵash materıaldary; jońqa jáne uqsas súrek;
(4406) temirjol nemese tramvaı joldaryna arnalǵan aǵash shpaldar;
(4407) aralaýmen nemese uzyna boıyna ydyratýmen, súrgileýmen nemese arshýmen alynǵan, óńdelmegen nemese súrgilengen, ajarlaýmen óńdelgen, qalyńdyǵy 6 mm-den astam janama qosylystary bar nemese joq aǵash materıaldary.
EAEO SEQ TN 4406910000 «Sińirilgen temirjol nemese tramvaı joldaryna arnalǵan qylqan japyraqty tuqymdardan jasalǵan aǵash shpaldar» kodymen taýar qosylmaıdy.