Indýstrıa jáne ınfraqurylymdyq damý mınıstri Qaıyrbek Óskenbaev jeńildetilgen avtonesıe baǵdarlamasy arqyly úsh myńǵa jýyq avtokólik shyǵarylǵanyn aıtty.
Mınıstr bul baǵdarlamaǵa bólingen 100 mıllıard teńgeden bólek basqa da qarajat bólý máselesi jáne avtonesıege ótinish qabyldaý toqtap turǵany jóninde suraqqa jaýap berdi, dep habarlaıdy Almaty-akshamy.kz Elorda.info-ǵa silteme jasap.
"Ázirge osy qarajatpen shektelip otyrmyz. Qarastyramyz. Baǵdarlama úlken suranysqa ıe. Al bankter jumysyn toqtatqan shyǵar, sebebi 20 myńnan astam ótinish tústi. Biz shamamen 15-16 myń nesıege 100 mıllıard teńge jetedi dep kútken edik. Búginde 9885 ótinim maquldandy, shamamen 10 myń. Bul shamamen 73 mıllırad teńge. Ázirge rezervte 27 mıllıard teńge bar. Úsh myńǵa jýyq avtokólik shyǵaryldy", – dedi mınıstr.
Onyń aıtýynsha, birneshe aıdan keıin qaıtarylǵan qarajat jańa nesıelerge jumsalady.
Buǵan deıin bankter jeńildetilgen baǵdarlama boıynsha kólik satyp alýǵa ótinish qabyldaýdy toqtatqany habarlanǵan bolatyn.