Bul jalpy eksporttyń 52%-ǵa jýyǵyn quraıdy.
Qazaqstan 9,1 mln tonna astyq pen un eksporttady, dep habarlaıdy Almaty-akshamy.kz Inbusiness.kz silteme jasap.
Bul ótken marketıńtik jyl (2021 jylǵy shilde – 2022 jylǵy maýsym) boıynsha derek ekendigin atap ótý kerek.
«2021-2022 jyly Qazaqstan Qarjy mınıstrligi Memlekettik kirister komıtetiniń derekteri boıynsha, «Qazaqstan temir joly» UK» aksıonerlik qoǵamy 9 145,9 myń tonna astyq pen undy, sonyń ishinde 6 761,2 myń tonna astyq pen 1 669,3 myń tonna undy eksporttady», - delingen Aýyl sharýashylyǵy mınıstrliginiń habarlamasynda.
Vedomstvonyń aqparatyna sáıkes, bıdaı men unnyń basym bóligi Ortalyq Azıa elderine tıelgen. Bul jalpy eksporttyń 52%-ǵa jýyǵyn quraıdy. Budan bólek Aýǵanstan, Iran, Ázirbaıjan, Qytaı, Reseı, Grýzıa elderine de jiberildi. Qazaqstan Italıa, Túrkıa, Ulybrıtanıa, Norvegıa, Latvıa, Lıvan, Týnıs, Shveısarıa, Mońǵolıa, Polsha sıaqty elderge de bıdaı men undy eksporttaǵan.
Sonymen qatar ótken maýsymda otandyq astyqty ótkizý naryqtary sol qalpynda qalǵany da aıtylady.