Buǵan qashyqtan oqý da sebep bolǵan.
Osydan eki jyl buryn kózi nashar kóretin 22,5 myń oqýshy bolsa, qazir olardyń qatary 60 myńǵa deıin jetken, dep habarlaıdy Almaty-akshamy.kz
Bul týraly habarlaǵan «Habar 24» telearnasynyń málimetinshe, kózdiń kórý qabiletine qazirgi bilim berý baǵdarlamasyndaǵy júkteme de keri áserin tıgizip jatqanǵa uqsaıdy.
- Sebebi tańnan keshke deıin mektepte júrgen oqýshy úıine kelip, telefon, planshet nemese kompúter oınap demalady, - deıdi dárigerler. Onyń ústine jaǵdaıdy pandemıa kezindegi qashyqtan oqytý da ýshyqtyra túsken.
«Onyń sebebi bizge qatty bilindi. Osy sońǵy 1-2 jylda balalardyń alystan durys kórmeýi ata-analarǵa, dárigerlerge kóp kúsh túsirdi. Sonyń bári onlaın otyrǵan sabaqtardyń, mekteptiń tapsyrmalaryn kompútermen, telefonmen qaraǵannan bolyp otyr», - deıdi oftalmolog-dáriger Aınur Aqbarova.
Mamandardyń aıtýynsha, balanyń kózin mınýs 1-ge deıin emdeýge bolady eken. Al 3-ten joǵary bolyp ketse, kózildirik taǵady. Alaıda ony tek taqtaǵa qaraǵanda taǵý shart. Al eger 3-ten joǵary, ıaǵnı 6 bolatyn bolsa, onda kózildirikti árdaıym taǵyp júrýge týra keledi.
Dárigerlerdiń aıtýynsha, kózdiń kórý qabiletin nasharlatpaý úshin balalarǵa mektep jasyna deıin telefondy bermeý kerek. Kózge arnalǵan túrli jattyǵýlardy jıi jasap, dárýmender ishý qajet.