«Qazaqstan KTK Odaǵy» Almaty fılıalynyń dırektory Ońdasyn Qulymbetov Óńirlik komýnıkasıalar qyzmetiniń baspasóz ortalyǵynda boldy. Búgin, 8 qarasha Halyqaralyq KVN kúni, kóńildiler men tapqyrlar klýbyna qatysy bar barsha jannyń beıresmı merekesi. Spıker otandyq kóńildi tapqyrlar klýbynyń qalaı qalyptasqanyn aıtyp berdi, - dep habarlaıdy almaty-akshamy.kz
Qazaqstan KTK Odaǵy elimizde 20 jyldan astam qyzmet etip keledi. Qazir Qazaqstannyń barlyq óńirinde fılıaldary bar. Qazaqsha KTK oıyndary 1999 jyldan beri shyǵyp keledi. O.Qulymbetovtyń aıtýynsha, qazaqsha KTK tarıhy 20 jyldan asty, alǵashqy oıyndar 1999 jyly ótken. Búginde elimizdiń árbir óńirinde bul klýbtyń fılıaldary bar.
Kóńildi jáne tapqyrlar klýbynyń Almatydaǵy fılıalynda 8 adam bar, olardyń bári oıyndy damytýmen aınalysady, KTK oıynshylarynyń bastamasyn Almaty qalasy Jastar saıasaty basqarmasy qoldaıdy.
«Jyl saıyn KTK maýsymy qyrkúıekte bastalyp, 1 jeltoqsanda aıaqtalady. Qazir jartylaı fınal ótip jatyr, 15 qarashada «Stýdentter saraıynda» fınaldyq oıyndy ótkizýdi josparlap otyrmyz. Kirý - tegin, sondyqtan árbir kórermenge qýanamyz. Aldaǵy ýaqytta iri jobalar jasaý, halyqaralyq oıyndardy ótkizý josparymyz bar», - dedi O.Qulymbetov
Spıkerdiń aqparaty boıynsha, bıyl Almatyda 10 KTK oıyny ótti, sondaı konsertterdiń biri Kók Tóbede 30 tamyzda ótti, keshe 7 qarasha kúni Stýdentter saraıynda da KTK oıyndary ótti. Bul synda Taldyqorǵan quramasy jeńiske jetip, 200 myń teńge kólemindegi aqshalaı syılyq aldy.
«Búgin KTK Bas lıgasynyń uıymdastyrýymen «Chempıondar chempıony» ataǵy úshin oıyndar ótedi. Al erteń saǵat 19:00-de «Stýdentter saraıynda» KTK kúnine arnalǵan arnaıy joba ótedi», - dedi O.Qulymbetov.
ÓKQ qonaǵy Almaty stýdentter qalasy ekenin jáne munda KTK oıyndaryn túrli stılde oınaıtyn talantty jastardyń óte kóp ekenin atap ótti. Sonymen birge, bizdiń qalada qyzdardyń KTK quramasy da bar, ol bolashaq fılologtar men jýrnalıserden quralǵan. KTK jańalyqtary týraly Jaidarman_Almaty paraqshasynan bilýge bolady.