6 halyqaralyq uıym men 8 shet memleketten kelgen baıqaýshy tirkelgen.
Qazaqstannyń Ortalyq salaý komısıasynyń otyrysynda 20 qarashada ótetin kezekten tys prezıdent saılaýyna 134 halyqaralyq baıqaýshy akkredıtteldi, dep habarlaıdy Almaty-akshamy.kz QazAqparatqa silteme jasap.
Otyrysta osy másele boıynsha sóz sóılegen OSK hatshysy Muhtar Ermannyń dereginshe, 2022 jylǵy 22 qyrkúıekte kezekten tys prezıdent saılaýyn halyqaralyq baıqaý ınstıtýty ashylǵannan beri 6 halyqaralyq uıym men 8 shet memleketten 139 baıqaýshy akredıtasıadan ótken.
«2022 jylǵy 1-7 qarasha aralyǵynda Ortalyq saılaý komısssıasyna Syrtqy ister mınıstrliginen 4 halyqaralyq uıym men 14 shet memleketten 134 baıqaýshyny akredıtasıadan ótkizý úshin usynys tústi. 4 halyqaralyq uıymnan 110 baıqaýshy akredıtasıadan ótkizýge usynyldy. Olardyń ishinde, TMD-dan - 55, TMD-ǵa qatysýshy memleketterdiń Parlamentaralyq assambleıasynan - 34, SHYU baıqaýshylar mısıasynan - 19, Túrki memleketteri uıymynan 2 baıqaýshy bar. 14 shet memleketten akredıtasıadan ótkizý úshin 24 kandıdatýra usynylyp otyr. Atap aıtsaq, Irak, Italıa, Latvıa, Ózbekstan Serbıa, Fınlándıa Ulybrıtanıadan - 2 baıqaýshydan, Armenıa, Qyrǵyzstan, Lıtva, Polsha, Taıland jáne Majarstannan 1 baıqaýshydan, Reseı Federasıasynan - 4 baıqaýshy», - dedi Muhtar Erman.
Osydan keıin Ortalyq saılaý komısıasy tıisti qaýly jobasyn qabyldady. Sonymen 2022 jylǵy 8 qarashadaǵy jaǵdaı boıynsha halyqaralyq uıymdar men shet memleketterden akkredıttelgen baıqaýshylar sany 271 adamǵa jetti.